ក្រសួងសុខាភិបាលព្រមាន អ្នកលក់តាមហ្វេសប៊ុកដែលផ្សព្វផ្សាយផលិតផលបោកប្រាស់

ជាតិ

សង្គមជាតិ

សុខភាព

ក្រសួងសុខាភិបាលព្រមាន អ្នកលក់តាមហ្វេសប៊ុកដែលផ្សព្វផ្សាយផលិតផលបោកប្រាស់

15, Aug 2018 , 8:19 pm

រូបភាព

ដោយ:

ភ្នំពេញ៖ ក្រសួងសុខាភិបាល បានព្រមានម្ចាស់គណនីចំនួន៦០ ដែលផ្សព្វផ្សាយផលិតផល បោកប្រាស់ បំផ្លើសការពិត បញ្ឈប់សកម្មភាពចែកចាយ និងនាំចូល ផលិតផលគ្រឿងសម្អាង «Firmax 3 Cream» ដែលគ្មាននៅក្នុងបញ្ជិការបស់ក្រសួង។ មូលហេតុដែលក្រសួង ព្រមាននេះ ក្រៅពីត្រួតពិនិត្យថា គណនីទាំងនោះ បាននាំចូលផលិតផល ក្លែងបន្លំ ដែលគ្មានការអនុញ្ញាតនាំចូលពីក្រុមហ៊ុនត្រឹមត្រូវនោះឡើយ ។

តាមសេចក្តីប្រកាសរបស់ក្រសួងសុខាភិបាល ដែលបានចេញផ្សាយនៅថ្ងៃទី១៤ ខែសីហា គណនីចំនូន៦០ ដែលមាននៅខាងក្រោមនោះ កំពុងតែផ្សព្វផ្សាយ ផលិតផលគ្រឿងសម្អាង «Firmax 3 Cream» ផលិតនៅប្រទេសម៉ាឡេស៊ី ដែលពុំមែនជាការនាំចូលពី ក្រុមហ៊ុន អអេហ្វ៣ វើល(ខេមបូឌា) ឯ.ក ពិតប្រាកដឡើយ។ ក្រសួងសុខាភិបាល បានបញ្ជាក់ទៀតថា ផលិតផលទាំងនោះ គ្មានគុណភាពបង្ការ និងព្យាបាលដូចដែលបានចេញផ្សាយឡើយ។

ដើម្បីជៀសវាងការខាតបង់ប្រាក់កាស និងប៉ះពាល់ដល់សុខភាព ដល់ពលរដ្ឋ ក្រសួងប្រាប់ឱ្យគណនីទាំងនោះ បញ្ឈប់សកម្មភាពចែកចាយ ផ្សព្វផ្សាយអួតអាង ភូតកុហក បោកប្រាស់ ទៅកាន់ពលរដ្ឋ ដែលនាំឱ្យប៉ះពាល់សុខភាព និងអាយុជីវិត នោះជាបន្ទាន់។

ចំពោះករណីប្រសិនបើឃើញមានគណនីទាំងនោះ បន្តការផ្សព្វផ្សាយផលិតផល «Firmax 3 Cream» នេះទៀត ក្រសួងសុខាភិបាល នឹងមានវិធានការតឹងរឹង ទៅតាមផ្លូវច្បាប់៕