ក្រសួងសុខាភិបាល ហាមពលរដ្ឋប្រើសេរ៉ូម«Glutaone 600» ដែលគ្មានច្បាប់អនុញ្ញាត

ជាតិ

សង្គមជាតិ

សុខភាព

ក្រសួងសុខាភិបាល ហាមពលរដ្ឋប្រើសេរ៉ូម«Glutaone 600» ដែលគ្មានច្បាប់អនុញ្ញាត

16, Aug 2018 , 7:59 am

រូបភាព

ដោយ:

ភ្នំពេញ៖ ក្រសួងសុខាភិបាល បានហាមពលរដ្ឋខ្មែរឲ្យឈប់ប្រើប្រាស់សេរ៉ូម «Glutaone 600» ផលិតនៅប្រទេសថៃ ដែលគ្មានក្នុងបញ្ជិការបស់ក្រសួង។ ការហាមប្រាមនេះ ដោយសារតែឃើញការផ្សព្វផ្សាយ បំផ្លើសហួសការពិត តាមបណ្តាញសង្គម ថាធ្វើឲ្យស្បែកសបែបស៊ីជម្ពូរ ជួយឲ្យស្បែកភ្លឺថ្លាម៉ត់រលោង។ ក្រសួងសុខាភិបាល បញ្ជាក់ថា ផលិតផលខាងលើ នាំចូលដោយគ្មានការអនុញ្ញាត និងគ្មានចុះបញ្ជិការ។

«សេរ៉ូម «Glutaone 600» អាចនាំឲ្យប៉ះពាល់ដល់ស្បែក និងឈានទៅដល់បាត់បង់ជីវិត ដោយសារតែប្រតិកម្មពីការព្យូរសេរ៉ូមមិនបានត្រឹមត្រូវតាមលក្ខណៈបច្ចេកទេស»។ នេះជាការបញ្ជាក់របស់ក្រសួងសុខាភិបាល តាមរយៈសេចក្តីជូនដំណឹងរបស់ខ្លួន នៅថ្ងៃទី១៤ ខែសីហា។

ក្រសួងបានប្រាប់ឲ្យបញ្ឈប់ការនាំចូល ផ្សព្វផ្សាយលក់ និងចែកចាយសេរ៉ូមនេះជាបន្ទាន់។ ក្នុងករណីដែលមានការចែកចាយសេរ៉ូមនេះ ក្រសួងសុខាភិបាល នឹងមានវិធានការតាមផ្លូវច្បាប់។ ក្រសួងក៏ស្នើឱ្យពលរដ្ឋ ដែលឃើញការចែកចាយលក់ខុសច្បាប់ផលិតផលនេះ ផ្តល់ព័ត៌មានដល់នាយកដ្ឋានឱសថ ចំណីអាហារ បរិក្ខារទេព្យ និងគ្រឿងសំអាង តាមទូរស័ព្ទលេខ ០១១ ៥៧៤ ៧៨៧ / ០៩៥ ៣៥៩ ៣៩៩៕