ជាតិ
សេដ្ឋកិច្ច
ចំនួនទេសចរចិនមកកម្ពុជា កើនឡើងខ្លាំងក្នុងឆមាសទី១ឆ្នាំនេះ
× ភ្នំពេញ៖ នៅក្នុងឆមាសទី១ឆ្នាំនេះ កម្ពុជាទទួលបានទេសចរអន្តរជាតិសរុបចំនួន ៣លាននាក់ កើនឡើង ១២,៧ភាគរយ បើធៀបនឹងរយៈពេលដូចគ្នានេះកាលពីឆ្នាំ២០១៧។
ទីផ្សារទេសចរចិនបានឈរនៅលេខរៀងទី១ នាំមុខទេសចរវៀតណាម និងឡាវ ។ ភ្ញៀវចិនចូលមកកម្ពុជា ក្នុងអំឡុង ៦ខែដើមឆ្នាំនេះ មានចំនួន ៩៣ម៉ឺននាក់ កើនឡើង ៧៥,៨ភាគរយ បើធៀបនឹងចំនួន ៥៣ម៉ឺននាក់នៅក្នុងរយៈពេលដូចគ្នាកាលពីឆ្នាំ២០១៧ ។ ចំនួននេះ បានធ្វើឲ្យទេសចរចិនកាន់កាប់ចំណែកទីផ្សាររហូតដល់ទៅ ៣១ភាគរយនៃភ្ញៀវទេសចរអន្តរជាតិសរុបរបស់កម្ពុជា។
រដ្ឋាភិបាលមានទិសដៅស្រូបលំហូរទេសចរចិនប្រមាណ ២លាននាក់នៅត្រឹមឆ្នាំ២០២០ និងបានដាក់ចេញផែនការយុទ្ធសាស្ត្រ China Ready ដើម្បីគាំទ្រទិសដៅនេះ៕
© រក្សាសិទ្ធិដោយ thmeythmey.com