ពលរដ្ឋខ្មែរ៣នាក់នៅថៃ រងរបួសធ្ងន់ ដោយសារបើករថយន្តបុកដើមឈើ

ជាតិ

សង្គមជាតិ

ពលរដ្ឋខ្មែរ៣នាក់នៅថៃ រងរបួសធ្ងន់ ដោយសារបើករថយន្តបុកដើមឈើ

28, Aug 2018 , 7:39 pm

រូបភាព

ដោយ: ថ្មីៗ

ពលរដ្ឋខ្មែរ៣នាក់ ដែលរស់នៅនិងធ្វើការនៅប្រទេសថៃ បានរងរបួសធ្ងន់ ហើយក៏ត្រូវបានអាជ្ញាធរបញ្ជូនទៅសង្គ្រោះបន្ទាន់នៅមន្ទីរពេទ្យ ចំណែកជនជាតិថៃ១នាក់ បានស្លាប់ភ្លាមៗ ក្រោយពីបានបើករថយន្តទៅបុកនឹងដើមឈើ១ដើមនៅក្បែរផ្លូវជាតិ ក្នុងស្រុកបាងខ្លាវ ខេត្តឆាក់ឈើងសៅ ប្រទេសថៃ។ នេះបើតាមការផ្សាយរបស់គេហទំព័រនៃអគ្គស្នងការដ្ឋាននគរបាលជាតិ នៅថ្ងៃទី២៧ ខែសីហា។

នគរបាលជាតិបានឱ្យដឹងថា ករណីខាងលើ រថយន្ត១គ្រឿងម៉ាកធុនម៉ាស្តា ដែលបើកបរដោយជនជាតិថៃ បានបើកបរក្នុងល្បឿនលឿនទៅបុកដើមឈើក្បែរផ្លូវ ដែលបណ្តាលឲ្យអ្នកបើកបរ បានស្លាប់ភ្លាមៗនៅនឹងកន្លែង ចំណែកជនជាតិខ្មែរដែលរួមដំណើរជាមួយបានរងបួសធ្ងន់។ គ្រោះថ្នាក់ចរាចរណ៍នេះ កើតឡើងកាលពីថ្ងៃទី២៦ ខែសីហា៕