អត្ថបទពាណិជ្ជកម្ម
ធនាគារស្ថាបនានិងក្រុមហ៊ុន ផាយ ផេ ចុះហត្ថលេខាជាដៃគូសហការ
× កាលព្រឹកថ្ងៃទី២ ខែកញ្ញាកន្លងមក ធនាគារស្ថាបនា ដែលជាធនាគារពាណិជ្ជឈានមុខគេមួយនៅកម្ពុជាបានប្រកាសអំពីកិច្ចព្រមព្រៀងមួយជាមួយក្រុមហ៊ុន ផាយ ផេ ដែលផ្តល់កម្មវិធីទូទាត់ប្រាក់មិនប្រើក្រដាសប្រាក់ឈានមុខគេនៅកម្ពុជា។ ការផ្តល់ជូនអតិថិជននូវសេវាផ្ទេរប្រាក់ងាយស្រួលរវាងគណនីធនាគារស្ថាបនា និងគណនី ផាយ ផេ តាមរយៈកម្មវិធីក្នុងទូរស័ព្ទដៃរបស់ ធនាគារស្ថាបនា និងក្រុមហ៊ុន ផាយ ផេ។
ពិធីចុះហត្ថលេខាដ៏អធិកអធម ដែលមានការសម្តែងពញ្ញាក់អារម្មណ៍ និងផ្ដល់ភាពរីករាយដល់ភ្ញៀវនិងអ្នកទិញទំនិញនៅក្នុងផ្សារទំនើប AEON II។ ធនាគារស្ថាបនា ក៏បានលើកទឹកចិត្តអតិថិជនឱ្យសាកល្បងប្រើប្រាស់សេវាកម្មថ្មីនេះ ព្រមទាំងបានផ្តល់រង្វាន់ដល់អតិថិជនដែលបានដោនឡូតកម្មវិធី ស្ថាបនា និង ផាយ ផេ ក្នុងទូរស័ព្ទដៃ និងដែលបានធ្វើប្រតិបត្តិការរួចរាល់។
លោក ណូរីហ៊ីកូ កាតូ នាយកប្រតិបត្តិធនាគារស្ថាបនា មានប្រសាសន៍ថា៖ «ការសហការជាមួយក្រុមហ៊ុន ផាយ ផេ គឺជាជម្រើសដ៏ងាយស្រួល ដោយពួកគេពិតជាមានបច្ចេកវិទ្យាទំនើបចុងក្រោយបង្អស់នៃបដិវត្តឌីជីថលសម្រាប់សេវាហិរញ្ញវត្ថុ។» ការដែលធ្វើឱ្យអតិថិជនរបស់យើងអាចប្រើប្រាស់កម្មវិធី ផាយ ផេ បានដោយងាយស្រួល តាមរយៈកម្មវិធីសេវាធនាគារក្នុងទូរស័ព្ទដៃ Sathapana Mobile ថ្មីនេះ នឹងបង្ហាញពួកគាត់ឱ្យឃើញភ្លាមៗតែម្តង អំពីវិធីប្រើសេវាធនាគារនិងការផ្ទេរប្រាក់ក្នុងពិភពឌីជីថលនាពេលសព្វថ្ងៃ ដែលមានសុវត្ថិភាពជាងមុន រហ័សជាងមុន និងងាយស្រួលជាងមុន។
លោកបានបន្តផងដែរ នេះគឺជាផ្នែកដ៏សំខាន់មួយនៃបេសកកម្មរបស់ធនាគារស្ថាបនា ក្នុងការនាំយកសេវាធនាគារដ៏ទំនើបមកជូនដល់អតិថិជនរបស់យើងនៅគ្រប់ទីកន្លែងដែលពួកគេស្ថិតនៅក្នុងប្រទេសកម្ពុជា។ ដោយបានផ្ដល់សេវាជូនអតិថិជនជាច្រើនតាមរយៈបណ្ដាញធនាគារដ៏ធំជាងគេលំដាប់ទីពីរនៅកម្ពុជាដែលមានសាខាចំនួន ១៦៩កន្លែង ក្នុង២៥ខេត្ត-ក្រុង។ យើងមានក្តីរំភើបរីករាយដែលអាចផ្ដល់សេវាកម្មជូនអតិថិជនបានកាន់តែច្រើននាក់ នៅតាមកន្លែងកាន់ជាច្រើន តាមរយៈទូរស័ព្ទដៃដែលអាចប្រើកម្មវិធីសេវាធនាគារតាមទូរស័ព្ទដៃថ្មីរបស់យើង ដែលបានដាក់អោយដំណើរការនាពេលថ្មីៗនេះ។
លោក ថូម៉ាស ផូកូនី នាយកប្រតិបត្តិក្រុមហ៊ុន ផាយ ផេ បានលើកឡើងថា៖ «យើងមានសេក្តីសោមនស្សរីករាយយ៉ាងខ្លាំងដោយបានស្វាគមន៍ធនាគារស្ថាបនាឱ្យមកចូលរួមក្នុងក្រុមគ្រួសារ ផាយ ផេ ហើយពួកយើងទន្ទឹងរង់ចាំផ្តល់ភាពងាយស្រួលនៃសេវាទូទាត់ប្រាក់ដែលមិនប្រើក្រដាសប្រាក់ ជូនដល់អតិថិជនរបស់ពួកគាត់ជារៀងរាល់ថ្ងៃ។ ភាពជាដៃគូក្នុងកម្រិតនេះនឹងលើសពីនេះ ដែលយើងនឹងប្រកាសនៅប៉ុន្មានថ្ងៃខាងមុខនេះ នឹងអនុញ្ញាតឱ្យអតិថិជនរបស់ធនាគារដែលជាដៃគូរបស់យើង អាចបញ្ចូលទឹកប្រាក់ក្នុងគណនី ផាយ ផេ របស់ពួកគាត់បាន ហើយធនាគារជាដៃគូរបស់យើង ក៏នឹងអនុញ្ញាតឱ្យអតិថិជនរបស់ ផាយ ផេ អាចផ្ញើប្រាក់ទៅកាន់ក្រុមគ្រួសាររបស់ពួកគាត់នៅតាមបណ្តាខេត្ដនានាពីទូរស័ព្ទដៃរបស់ពួកគាត់ដោយផ្ទាល់តែម្តង។»
លោក បានបន្ថែមទៀតថា៖ «យើងក៏ដឹងផងដែរថាភាពជាដៃគូទាំងនេះ លើកទឹកចិត្តដល់អ្នកប្រើប្រាស់កម្មវិធី ផាយ ផេ ឱ្យបើកគណនីធនាគារដែលនឹងជួយនាំយកពួកគាត់ឱ្យចូលទៅក្នុងវិស័យហិរញ្ញវត្ថុផ្លូវការដោយផ្ទាល់តែម្តង ដែលនេះគឺជាអ្វីដែលផ្តល់ផលប្រយោជន៍ដល់មនុស្សគ្រប់គ្នា។»
គួររំលឹកផងដែរ ធនាគារនេះមានបណ្តាញសាខាដ៏ធំបំផុតលំដាប់ទីពីរនៅក្នុងប្រទេសកម្ពុជាដែលមានសាខាចំនួន ១៦៩កន្លែង និងមានបុគ្គលិកជាង ៤០០០នាក់។ ធនាគារនេះផ្តល់ជូននូវផលិតផលនិងសេវាកម្មធនាគារយ៉ាងពេញលេញ ដែលមានដូចជាសេវាប្រាក់កម្ចី ប្រាក់បញ្ញើ ផ្ទេរប្រាក់ក្នុងស្រុកនិងក្រៅប្រទេស ប័ណ្ណធានា និងការទូទាត់ការនាំចេញនាំចូល និងសេវាកម្មដទៃទៀតផងដែរ។ ចម្លែក សេវារបស់ ផាយ ផេ វិញ នឹងផ្លាស់ប្ដូរមុខមាត់សេដ្ឋកិច្ចរបស់កម្ពុជា តាមរយៈការច្របាច់បញ្ចូលគ្នានូវភាពងាយស្រួល និងភាពអាចជឿជាក់បាន ដោយប្រើប្រាស់បច្ចេកវិទ្យា និងហេដ្ឋរចនាសម្ព័ន្ធលំដាប់ពិភពលោក ដែលទ្រទ្រង់ដល់ការទូទាត់ប្រកបដោយសុវត្ថិភាព និងសុច្ចរិតភាព ។ ក្រៅពីដៃគូដែលផ្ដល់សេវាផ្នែកម្ហូបអាហារ កម្សាន្ត និងម៉ាកយីហោទំនិញលក់រាយទំនើប និងទាន់សម័យ ផាយ ផេ គឺជាកម្មវិធីឈានមុខគេខាងផ្នែកទីផ្សារសេវាទូទាត់ នៅកម្ពុជា ជាប្រទេសដែលមានសេដ្ឋកិច្ចពាណិជ្ជកម្មអេឡិកត្រូនិកលូតលាស់លឿនជាងគេនៅអាស៊ាន ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com