ជាតិ
នយោបាយជាតិ
រដ្ឋមន្ត្រីប្រតិភូអមនាយករដ្ឋមន្ត្រី ទាំង១៩រូប រួបថតរដ្ឋមន្រ្តីប្រតិភូអមនាយករដ្ឋមន្រ្តីមួយចំនួន
× ភ្នំពេញ៖ រដ្ឋមន្ត្រីប្រតិភូអមនាយករដ្ឋមន្ត្រី មានចំនួន១៩រូប ក្នុងអាណត្តិទី៦នេះ ក្នុងនោះមានសមាជិកតំណាងរាស្ត្រ៣រូប ។ នេះបើតាមបញ្ជីរាយនាម ដែលបានបង្ហាញនៅថ្ងៃទី០៦ កញ្ញា។
តំណាងរាស្ត្រ៣រូប ដែលមានឈ្មោះក្នុងបញ្ជីរាយនាមរដ្ឋមន្ត្រីប្រតិភូអមនាយករដ្ឋមន្ត្រី នោះគឺលោក កែវ រតនៈ លោក សុខ ចិន្តាសោភា(អគ្គលេខាធិការក្រុមប្រឹក្សាអភិវឌ្ឍន៍កម្ពុជា) និងលោក ហ្សាការីយ៉ា អាដាម។ ដូច្នេះតំណាងរាស្ត្រទាំង៣រូបនេះ នឹងត្រូវដាក់ពាក្យលាលែងចេញពីសមាជិកសភា ដើម្បីមកអនុវត្តការងារខ្លួន ក្នុងជួររដ្ឋាភិបាលនេះវិញ។
សម្ដេចនាយករដ្ឋមន្ត្រី ហ៊ុន សែន បានបញ្ជាក់នៅក្នុងរដ្ឋសភាថា ក្រៅពីនាយករដ្ឋមន្ត្រី និងឧបនាយករដ្ឋមន្ត្រីនោះ ទេសរដ្ឋមន្ត្រី និងរដ្ឋមន្ត្រី មិនអាចកាន់តំណែងក្នុងជួររដ្ឋាភិបាលផង និងរដ្ឋសភាផងបានទេ។ បើតាមសម្ដេច ហ៊ុន សែន តំណាងរាស្ត្រដែលមានតំណែងទេសរដ្ឋមន្ត្រីចុះក្រោម នឹងត្រូវលាលែងពីតំណែងសមាជិកសភា ហើយទៅបម្រើការងារនៅក្នុងជួររដ្ឋាភិបាលវិញ។ ចំណែកតំណាងរាស្ត្រមានឈ្មោះជារដ្ឋមន្ត្រីប្រតិភូអមនាយករដ្ឋមន្ត្រី និងរដ្ឋលេខាធិការ ក៏ត្រូវលាលែងពីតំណែងដែរ។
ក្រៅពីតំណាងរាស្ត្រទាំង៣ខាងលើនេះ មានរដ្ឋមន្ត្រីប្រតិភូអមនាយករដ្ឋមន្ត្រី១៦រូបផ្សេងទៀតមាន៖ លោក ម៉ម សារិន , លោក ស្រ៊ី ថាមរុង្គ, លោក ឈៀង យ៉ាណារ៉ា , លោក យូ ស៊ុនឡុង, លោក សោម សឿន, លោក សុន គន្ធរ, លោក កៅ គឹមហ៊ួន , លោក អ៊ុច គឹមអន, លោក កែវ រ៉េមី, លោក ស្វាយ ស៊ីថា, លោក ផៃ ស៊ីផាន, លោក ហ៊ុន ស៊ីថា , លោក នរ៉ាណាឬទ្ធិ អានន្ទដាយ៉ាត, លោក ឈឹម ផលវរុណ, លោក ហារី សំអាត និងលោក កែវ បាភ្នំ៕
Tag:
កែវ រតនៈ
សុខ ចិន្តាសោភា
រដ្ឋសភាថ្មី
នីតិកាលថ្មី
© រក្សាសិទ្ធិដោយ thmeythmey.com