កីឡាអន្តរជាតិ
អន្តរជាតិ
Osaka កីឡាការិនីវាយកូនបាល់ជប៉ុនទី១ ដែលឈានទៅដណ្តើមពាន US Open
× កីឡាការិនីវាយកូនបាល់ Naomi Osaka ជាកីឡាការិនីជប៉ុនដំបូងគេដែលអាចឈានដល់វគ្គផ្តាច់ព្រ័ត្រពាន US Open បន្ទាប់ពីយកឈ្នះកីឡាការិនីរងជើងឯកឆ្នាំចាស់ Madison Keys នៅវគ្គពាក់កណ្តាលផ្តាច់ព្រ័ត្រក្នុងលទ្ធផល ៦-២ និង៦-៤។
កីឡាការិនីជប៉ុនវ័យ២០ឆ្នាំរូបនេះ នឹងត្រូវប្រជែងជាមួយម្ចាស់ជើងឯក ៦សម័យកាល Serena Williams ក្នុងវគ្គផ្តាច់ព្រ័ត្រនៅតារាង Flushing Meadows នាទីក្រុងញូវយ៉កសហរដ្ឋអាមេរិក នៅថ្ងៃទី៨ ខែកញ្ញា ឆ្នាំ២០១៨។
Osaka ដែលជាកីឡាការិនីជប៉ុនដំបូងគេដែលឈានដល់វគ្គផ្តាច់ព្រ័ត្រនៃក្របខណ្ឌកំពូល Grand Slam បានព្យាយាមយ៉ាងខ្លាំងក្លាដើម្បីវាយបកយកឈ្នះពិន្ទុកីឡាការិនីអេមេរិក Keys ក្នុងការឈានទៅកាន់វគ្គផ្តាច់ព្រ័ត្រនេះ។
កីឡាការិនីវាយកូនបាល់លំដាប់ទី១៧ពិភពលោកដែលកើតនៅក្នុងក្រុងអូសាកាបាននិយាយក្នុងបទសម្ភាសន៍ក្រោយចប់ការប្រកួតដូច្នេះថា៖«វាអាចជារឿងអាក្រក់ ប៉ុន្តែខ្ញុំនិយាយលេងទេ ខ្ញុំពិតជាចង់លេងទល់នឹង Serena ណាស់។ ខ្ញុំស្រលាញ់អ្នក (Serena) ហើយខ្ញុំក៏ស្រឡាញ់អ្នកទាំងអស់គ្នាដែរ»។
ចំណែកកីឡាការិនីសញ្ជាតិអាមេរិក Serena Williams ដែលជាគូប្រជែងរបស់ Osaka សម្រាប់ការប្រកួតវគ្គផ្តាច់ព្រ័ត្រ US Open ឆ្នាំ២០១៨នេះ បានយកឈ្នះ Anastasija Sevastova កីឡាការិនីរបស់ឡេតូនីនៅវគ្គពាក់កណ្តាលផ្តាច់ព្រ័ត្រក្នុងលទ្ធផល ៦-៣ និង៦-០។
តើកីឡាការិនី Osaka អាចយកឈ្នះរៀមច្បងវ័យ៣៦ឆ្នាំដើម្បីគ្រងតំណែងជើងឯកលំដាប់ពិភពលោកនេះជាលើកដំបូងក្នុងប្រវត្តិសាស្ត្របានដែរឬទេ?
Tag:
វាយកូនបាល់
US Open
Naomi Osaka
Serena Williams
© រក្សាសិទ្ធិដោយ thmeythmey.com