Osaka ជាកីឡាការិនីជប៉ុនទី១ ដែលឈ្នះ Grand Slam ខណៈ Williams រងពិន័យ

កីឡាអន្តរជាតិ

អន្តរជាតិ

Osaka ជាកីឡាការិនីជប៉ុនទី១ ដែលឈ្នះ Grand Slam ខណៈ Williams រងពិន័យ

10, Sep 2018 , 9:39 pm

រូបភាព

ដោយ: ថ្មីៗ

កីឡាការិនីវាយកូនបាល់ Naomi Osaka ជាកីឡាការិនីជប៉ុនដំបូងបំផុតដែលអាចឈ្នះពាន US Open ជាលើកដំបូងក្នុងប្រវត្តិសាស្ត្រ បន្ទាប់ពីយកឈ្នះ Serena Williams ដែលចោទអាជ្ញាកណ្តាលកាត់សេចក្តីថាជាចោរក្នុងការប្រកួតវគ្គផ្តាច់ព្រ័ត្រនៃក្របខណ្ឌកំពូល Grand Slam នេះ។

អត្ថបទទាក់ទង

Osaka កីឡាការិនីវាយកូនបាល់ជប៉ុនទី១ ដែលឈានទៅដណ្តើមពាន US Open

កីឡាការិនីជប៉ុនវ័យ២០ឆ្នាំរូបនេះ បានយកឈ្នះ Madison Keys នៅវគ្គពាក់កណ្តាលផ្តាច់ព្រ័ត្រដើម្បីឈានទៅដណ្តើមពាន Grand Slam នៅទឹកដីអាមេរិកដោយផ្តួលម្ចាស់ជើងឯក ៦សម័យកាល Serena Williams ក្នុងវគ្គផ្តាច់ព្រ័ត្រក្នុងលទ្ធផល ៦-២ និង៦-៤ នៅតារាង Flushing Meadows នាទីក្រុងញូវយ៉ក នៅថ្ងៃទី៨ ខែកញ្ញា ឆ្នាំ២០១៨។

Osaka ដែលកើតនៅក្នុងក្រុងអូសាកា ហើយមានម្តាយជាជនជាតិជប៉ុន ឪពុកជានជាតិហៃទី ប៉ុន្តែធំធាត់ឡើងនៅសហរដ្ឋអាមេរិក បានក្លាយជាកីឡាការិនីជប៉ុនទី១ក្នុងប្រវត្តសាស្ត្រដែលអាចឈ្នះពានកីឡាវាយកូនបាល់លំដាប់កំពូលពិភពលោកមួយនេះ។

កីឡាការិនីវាយកូនបាល់លំដាប់ទី១៧ពិភពលោក ក៏ទទួលបានការសារទរពីសំណាក់ប្រជាធានាធិបតីជប៉ុន Shinzo Abe តាមរយៈបណ្តាញសង្គម Twitter ចំពោះជ័យជម្នះនេះដើម្បីផ្តល់ឲ្យប្រទេសជប៉ុននូវការជំរុញលើកទឹកចិត្តនណៈប្រទេសនេះកំពុងទទួលគ្រោះធម្មជាតិធ្ងន់ធ្ងរ និងឧទ្ទិសដល់ការស្លាប់របស់ប្រជាជនរាប់សិបនាក់។

大坂なおみ選手、全米オープンの優勝、おめでとうございます。四大大会で日本選手初のチャンピオン。この困難な時にあって、日本中に、元気と感動をありがとう。 pic.twitter.com/Myw3yG1A7J
— 安倍晋三 (@AbeShinzo) September 8, 2018

ដោយឡែកកីឡាការិនីអាមេរិក Serena Williams ដែលទទួលបានរងជើងឯកពីព្រឹត្តិការណ៍នេះ បានសម្តែងអកប្បកិរិយាមិនសមរម្យ នៅអំឡុងការប្រកួតដោយនិយាយទៅកាន់លោកអាជ្ញាកណ្តាលកាត់សេចក្តីថាជាចោរថែមទៀតផង។

ការរំលោភបំពានលើក្រមសីលធម៌កីឡារបស់ម្ចាស់ពានរង្វាន់ Grand Slam ២៣លើក វ័យ៣៦ឆ្នាំនេះ ត្រូវបានសហពន្ធកីឡាវាយកូនបាល់អាមេរិកបានសម្រេចពិន័យជាប្រាក់១៧០០០ដុល្លារអាមេរិកផងដែរ។

សម្រាប់វិញ្ជាសាបុរសវិញ កំពូលកីឡាករវាយកូនបាល់សញ្ជាតិស៊ែប៊ី Novak Djokovic បានយកឈ្នះ កីឡាករ Juan Martin del Potro របស់អាហ្សង់ទីនក្នុងលទ្ធផល ៦-៣ ៧-៦ និង៦-៣ ដើម្បីគ្រងជើងឯក US Open ជាលើកទី៣៕