ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
វាហាក់បីដូចជា ប្រជាជនកូរ៉េជាច្រើនបានឆ្លើយសំណួរជាច្រើនទាក់ទងនឹងបញ្ហាសម្រស់អីចឹង។ នេះដោយសារតែ ស្បែករបស់ពួកគេត្រូវបានមនុស្សជាច្រើននៅទូរទាំងពិភពលោកមើលឃើញ។ យ៉ាងណាមិញ មិនខ្វល់ថា ប្រជាជនកូរ៉េស្រស់ស្អាតប៉ុណ្ណាឡើយ តែពួកគេនៅតែប្រឈមនឹងការឈឺក្បាលដូចមនុស្សយើងគ្រប់គ្នាដែរ។ 
សំណាងដែរ ពួកគេនៅតែមានមធ្យោបាយដ៏អស្ចារ្យសម្រាប់ព្យាបាលការឈឺក្បាលនេះ។
សំណាងដែរ ពួកគេនៅតែមានមធ្យោបាយដ៏អស្ចារ្យសម្រាប់ព្យាបាលការឈឺក្បាលនេះ។
ស្អំទឹកកក ឬក្តៅ
មធ្យោបាយមួយដ៏លឿនបំផុតក្នុងការបន្ថយការឈឺក្បាល គឺស្អំទឹកក្តៅ ឬទឹកកក។ ពិតណាស់ ប្រជាជនកូរ៉េភាគច្រើនប្រើប្រាស់វិធីស្អំទឹកកក និងទឹកក្តៅឆ្លាស់គ្នា។ អ្នកវិទ្យាសាស្ត្រនិយាយថា ការប្រើប្រាស់ការស្អំទឹកកក និងទឹកក្តៅឆ្លាស់គ្នា នឹងជួយពង្រឹងដល់របត់ឈាមរត់ទៅក្បាល ហើយក៏បន្ថយការឈឺក្បាលបានយ៉ាងមានប្រសិទ្ធភាពដែរ។
បន្ថយស្ត្រេស
សព្វថ្ងៃនេះ មានប្រជាជនជាច្រើន រួមទាំងប្រជាជនកូរ៉េផងនោះគឺងាយនឹងមានស្ត្រេសខ្លាំងណាស់។ ចំពោះមូលហេតុរបស់វាវិញក៏មានច្រើនណាស់ដែរ ហើយរឿងមួយដែលកើតមានញឹកញាប់នោះគឺការឈឺក្បាលតែម្តង។ ជាធម្មតា ប្រជាជនកូរ៉េដោះស្រាយជាមួយនឹងការឈឺក្បាលដោយការស្ត្រេសនោះគឺ ព្យាយាមបន្ធូរអារម្មណ៍វិញ។ វិធីធម្មជាតិដើម្បីបន្ថយអារម្មណ៍ និងបន្ថយស្ត្រេសគួរតែជាការស្តាប់ចម្រៀងស្រទន់ៗ ហាត់យូហ្គា តាំងសមាធិ និងសរសេរអ្វីដែលអ្នកកំពុងតែស្ត្រេសនោះក្នុងក្រដាសសៀវភៅ។
សរសេរកំណត់ហេតុអាហារ
និយាយដល់ការសរសេរ ប្រជាជនកូរ៉េភាគច្រើនតែងសរសេរកំណត់ហេតុអាហារ ដោយសារតែពួកគេដឹងយ៉ាងច្បាស់ថា មានបញ្ហាច្រើនទាក់ទងនឹងរបបអាហារដែលគេទទួលទាន។ អ្នកវិទ្យាសាស្ត្រយល់ស្របថា មានអាហារ និងភេសជ្ជៈមួយចំនួនអាចធ្វើឲ្យឈឺក្បាលបាន។ យកល្អអ្នកគួរតែសម្គាល់មើលថា តើអាហារណាដែលធ្វើឲ្យអ្នកឈឺក្បាលខ្លះ។ សម្រាប់មនុស្សភាគច្រើន អាហារដែលនាំឲ្យឈឺក្បាលមានដូចជា៖ សណ្តែកដី គ្រាប់ផ្លែឈើ ប៉េងប៉ោះ និងផលិតផលធ្វើពីប៉េងប៉ោះ សាច់គ្រឿងក្នុង អាហារប្រភេទជ្រួក និងស្រាក្រហម។
ចៀសវាងសារធាតុបង្ករលាក
មានការឈឺក្បាលច្រើនណាស់ដែលវាកើតឡើងដោយសារតែការប៉ះពាល់នឹងសារធាតុបង្កររលាកក្នុងមជ្ឈដ្ឋានជុំវិញខ្លួន។ បើសិនជាអ្នកជក់បារី យកល្អគួរតែចៀសវាងវា ឬឈប់ជក់តែម្តងទៅ ព្រោះវាមិនត្រឹមតែធ្វើឲ្យឈឺក្បាលទែ តែក៏បង្កជាបញ្ហាដល់សុខភាពធ្ងន់ធ្ងរបំផុតដែរ។ ចូរនៅឲ្យឆ្ងាយពីសមាជិកគ្រួសារ ឬមិត្តភក្តិដែលជក់បារី។ បើសិនជាអ្នករស់នៅក្នុងទីក្រុងដែលមានផ្សែងពុលច្រើន យកល្អគួរតែព្យាយាមពាក់ម៉ាសពេលទៅណាមកណា។
ឲ្យភ្នែកសម្រាកខ្លះ
តើអ្នកកំពុងតែប្រើប្រាស់កុំព្យូទ័រច្រើនម៉ោងដើម្បីធ្វើការ ឬកម្សាន្តមែនទេ? បើសិនជាអ្នកឈឺក្បាលកាន់តែច្រើនទៅៗ អ្នកអាចប្រើពេលដើម្បីសម្រាកភ្នែកពីការប្រើប្រាស់កុំព្យូទ័រសិនទៅ។ យកល្អគួរតែសម្រាកពីការមើលកុំព្យូទ័រជារៀងរាល់ ២០នាទីម្តង។ សម្រាប់ ២០វិនាទីបន្ទាប់ ចូរមើលអ្វីដែលនៅឆ្ងាយពីខ្លួនចំងាយ ២០ហ្វីត។ ចូរចំណាយពេលព្រិចភ្នែកចំនួន ១០ដងដើម្បីបន្ថយការដាក់សម្ពាធនៅភ្នែក និងការឈឺក្បាលផង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
