ជាតិ
នយោបាយជាតិ
រដ្ឋសភា បន្តប្រជុំនៅព្រឹកនេះ ដើម្បីបញ្ចូលសមាជិកថ្មីទៅក្នុងគណៈកម្មការជំនាញ លោក ឡេង ប៉េងឡុង អគ្គលេខាធិការនិងជាអ្នកនាំពាក្យរដ្ឋសភា។ រូបភាពពីរដ្ឋសភា
× គណបក្សប្រជាជនកម្ពុជា ដែលគ្រប់គ្រងរដ្ឋសភាតែម្នាក់ឯង បានផ្តាស់ប្តូរតំណាងរាស្ត្រ៣៨នាក់ ក្នុងចំណោម១២៥នាក់។ រដ្ឋសភា បានបើកកិច្ចប្រជុំពេញអង្គនៅព្រឹកថ្ងៃទី១៩ ខែកញ្ញា ឆ្នាំ២០១៨ ហើយបានប្រកាសសុពលភាពជូនតំណាងរាស្ត្រថ្មីទាំង៣៨នាក់នោះ។
ក្នុងចំណោមតំណាងរាស្ត្រទាំង៣៨នាក់ ដែលបានលាលែងតាមការបង្គាប់របស់សម្តេច ហ៊ុន សែន ប្រធានគណបក្សកាន់អំណាច មានអ្នកខ្លះជាសមាជិកក្នុងគណៈកម្មការជំនាញទាំង១០នៃរដ្ឋសភា។ ហេតុដូច្នេះ រដ្ឋសភា ត្រូវបោះឆ្នោតម្តងទៀត តាមរយៈកិច្ចប្រជុំពេញអង្គនៅព្រឹកថ្ងៃទី២០ ខែកញ្ញា ឆ្នាំ២០១៨នេះ ដើម្បីជ្រើសរើសសមាជិកថ្មីមួយចំនួននៃគណៈកម្មការជំនាញ។
លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា ប្រាប់សារព័ត៌មានថ្មីៗតាមទូរសព្ទថា ចំពោះប្រធាននិងអនុប្រធានគណៈកម្មការជំនាញ មិនត្រូវបានបោះឆ្នោតឬផ្លាស់ប្តូរនោះទេ ព្រោះតំណាងរាស្ដ្រ ដែលបានលាលែង មិនមែនជាប្រធាននិងអនុប្រធានគណៈកម្មការជំនាញឡើយ៕
Tag:
រដ្ឋសភា
ឡេង ប៉េងឡុង
© រក្សាសិទ្ធិដោយ thmeythmey.com