កម្ពុជា នឹងរៀបចំពិព័រណ៍ទេសចរណ៍កម្ពុជា-អន្តរជាតិដ៏ធំ នៅខែតុលា

ជាតិ

សេដ្ឋកិច្ច

កម្ពុជា នឹងរៀបចំពិព័រណ៍ទេសចរណ៍កម្ពុជា-អន្តរជាតិដ៏ធំ នៅខែតុលា

01, Oct 2018 , 8:59 am

រូបភាព

ដោយ: ថ្មីៗ

ភ្នំពេញ៖ កម្ពុជា នឹងរៀបចំពិព័រណ៍ទេសចរណ៍កម្ពុជា-អន្តរជាតិលើកទី២ នៅថ្ងៃទី១១ ដល់១៣ ខែតុលា ឆ្នាំ២០១៨ ខាងមុខ ដើម្បីលើកស្ទួយវិស័យទេសចរណ៍នៅកម្ពុជា ។

លោក ថោង ខុន រដ្ឋមន្ត្រីក្រសួងទេសចរណ៍បានលើកឡើងក្នុងកិច្ចប្រជុំត្រៀមរៀបចំពិព័រណ៍ទេសចរណ៍អន្តរជាតិថា ពិព័រណ៍លើកទី២នេះ នឹងជួយផ្សព្វផ្សាយតំបន់គោលដៅទេសចរណ៍កម្ពុជា ទៅកាន់ពិភពលោកឲ្យកាន់តែប្រសើរឡើងថែមទៀត។

លោកបន្តថា៖« ការរៀបចំលើកនេះមានការចូលរួមច្រើនជាងមុនកើនដល់៥៥ភាពរយ មានន័យថាអ្នកចូលរួមក្នុងស្រុកឡើងដល់៧០ភាគរយ គ្រប់ផ្នែកពាកព័ន្ធទាំងអស់ក្នុងឧស្សាហកម្មទេសចរណ៍ទាំងអស់ ទាំងសណ្ឋាគារ ទាំងភ្នាកងាទេសចរណ៍ ទាំងរមណីដ្ឋាន ហើយក៏មានការចូលរួមពីប្រទេសជាមិត្តទាំងតំបន់អាស៊ាន, តំបន់អាស៊ី រួមទាំងក្រៅតំបន់ គឺមានច្រើន»។

ក្នុងពិព័រណ៍នេះនឹងមានការរៀបចំតំណើរទស្សនៈកិច្ចដ៏ពិសេសដល់ភ្ញៀវជាតិនិងអន្តរជាតិទៅកាន់តំបន់គោលដៅទេសចរណ៍ធំៗ ដូចជា ប្រាសាទអង្គរវត្ត តំបន់អេកូទេសចរណ៍ និង តំបន់សមុទ្រ។ លោកក៏បានអំពាវនាវដល់វិស័យឯកជនក្នុងវិស័យទេសចរណ៍ទាំងអស់ចូលរួមក្នុងពិព័រណ៍ទេសចរណ៍កម្ពុជាអន្តរជាតិឲ្យបានច្រើនទៀតផងដែរ៕