ពីនេះ ពីនោះ
២៥ខេត្ត/រាជធានី
«ប៉ិកួៈ» ជាដំឡូងមួយប្រភេទដែលខ្មែរនាំពូជពីស្រុកចិនមកដាំ
× «ប៉ិកួៈ» ជាដំឡូងមួយប្រភេទដែលខ្មែរនាំពូជពីប្រទេសចិនមកដាំ។ វាជាដើមវល្លិ ស្លឹកស្រដៀងនឹងស្លឹករលួស, ក្នុងមួយដើមមានមើមតែមួយ រាងច្រឡោ សាច់ស មានទឹកដមរលម សំបកស្វិត, គេអាចបរិភោគឆៅបាន ហើយមានរសជាតិផ្អែមស្រាលត្រជាក់។ ខ្មែរយើងហៅ «ប៉ិកួៈ» នេះថា «ដំឡូងរលួស»។ នេះជាបើតាមការបញ្ជាក់នៅក្នុងវចនានុក្រមខ្មែរសម្តេចព្រះសង្ឃរាជ ជួន ណាត។
កសិករខ្មែរច្រើនដាំដំណាំដំឡូងរលួស ឬភាសាចិនហៅថា «ប៉ិកួៈ» នេះ នៅលើដីល្បាយខ្សាច់ ដែលមិនមានដក់ទឹក ព្រោះវាអាចទទួលផលបានច្រើនជាងប្រភេទដីផ្សេងៗ។ នៅកម្ពុជាមានដាំដំឡូងនេះ ជាប្រភេទពូជធ្ងន់ មើមរបស់វាធំៗ, គេច្រើនយកទៅធ្វើម្ហូប និងពូជស្រាល មើមរបស់វាតូចល្មម, គេច្រើនយកទៅបរិភោគជាមួយនឹងប្រភេទម្ជូរផ្សេងទៀត។
នៅស្រុកអង្គរស្នូល ខេត្តកណ្តាល ម្ដុំភ្នំប្រសិទ្ធ គេឃើញកសិករដាំដំណាំប៉ិកួៈ ឬដំឡូងរលួស នេះច្រើន ព្រោះនៅទីនោះសម្បូរដោយប្រភេទដីល្បាយខ្សាច់។
Tag:
កសិកម្ម
ប៉ិកួៈ
ThmeyThmey25
© រក្សាសិទ្ធិដោយ thmeythmey.com