កីឡាអន្តរជាតិ
អន្តរជាតិ
Mourinho បារម្ភខ្លាច Man Utd ដេញចេញ ក្រោយ Zidane ខលទៅ
× លោក Jose Mourinho មានការភ័យខ្លាចថាខ្លួនកំពុងតស៊ូជាមួយនឹងការបរាជ័យ ដើម្បីរក្សាកៅអីជាអ្នកចាត់ការទូទៅក្រុម Manchester United បន្ទាប់ពី Zinedine Zidane បានហៅទូរសព្ទទៅ។
ការចាប់ផ្តើមការប្រកួតដ៏អាក្រក់បំផុតរបស់ក្រុមបិសាចក្រហមនៅរដូវកាលនេះ បានធ្វើឲ្យបណ្តាញសារព័ត៌មានល្បីៗជុំវិញពិភពលោកចុះផ្សាយទាក់ទិននឹងរបៀបដឹកនាំរបស់លោក Mourinho។ ក្រោយការប្រកួតដែល Man Utd បរាជ័យយ៉ាងអាមាសក្រោមថ្វីជើង West Ham ដល់ទៅ៣ទល់នឹង១កាលពីចុងសប្តាហ៍មុននៅ Premier League កៅអីរបស់អ្នកចាត់ការសញ្ញាតិព័រទុយហ្គាល់បានស្ថិតក្នុងភាពស្រពិចស្រពិល។
តាមរយៈការចុះផ្សាយរបស់សារព័រមានជាច្រើនកន្លងមក លោក Zidane ជាបេក្ខភាពដំបូងបំផុតដែលត្រូវបានគាំទ្រដើម្បីឡើងទៅកាន់តំណែងនៅ Old Trafford ប្រសិនបើ Mourinho ចាកចេញ។
អ្នកចាត់ការសញ្ជាតិបារាំងរូបនេះកំពុងទំនេរពីការងារ ក្រោយចាកចេញពី Real Madrid កាលពីដើមរដូវកាលបន្ទាប់ពីជួយក្រុមឈ្នះ Champions League ៣លើកជាប់គ្នា។
Zidane វ័យ៤៦ឆ្នាំ ត្រូវគេរាយការណ៍ថាកំពុងចាប់ផ្តើមរៀនភាសាអង់គ្លេសបណ្តើរៗដែលសកម្មភាពនេះត្រូវបានគេជឿជាក់ថាដើម្បីទៅដឹកនាំក្រុមក្នុងក្របខណ្ឌ Premier League។ ប៉ុន្តែយ៉ាងណា The Sun បានអះអាងថា Zidane បានហៅទូរសព្ទទៅកាន់ Mourinho ក្នុងបំណងកាត់បន្ថយការភ័យខ្លាចពីការបាត់តំណែង និងថែមទាំងបញ្ជាក់ថាលោកមិនទាន់មានគម្រោងចូលដឹកនាំ Man Utd នោះដែរ។
Zidane មានការព្រួយបារម្ភ និងខ្លាច Mourinho គិតថាខ្លួនចង់ទៅកាន់តំណែងនេះនាពេលឆាប់ៗ ខណៈ Man Utd បានផ្តល់ឱកាសឲ្យអ្នកចាត់ការព័រទុយហ្គាល់រូបនេះ១សប្តាហ៍ទៀតដើម្បីស្តាក្រុមឡើងវិញ៕
Tag:
បាល់ទាត់
Manchester United
Zinedine Zidane
Jose Mourinho
© រក្សាសិទ្ធិដោយ thmeythmey.com