លោក ខៀវ សុភ័គ និង លោក ផាត សុផានិត ជាអ្នកនាំពាក្យមហាផ្ទៃ

ជាតិ

សង្គមជាតិ

លោក ខៀវ សុភ័គ និង លោក ផាត សុផានិត ជាអ្នកនាំពាក្យមហាផ្ទៃ

18, Oct 2018 , 10:19 pm

រូបភាព

លោក ផាត សុផានិត ខាងឆ្វេងដៃ និង លោក ខៀវ សុភ័គ ខាងស្តាំដៃ

ដោយ: ថ្មីៗ

ភ្នំពេញ៖ សម្រាប់អាណត្តិទី៦នេះ លោក ខៀវ សុភ័គ នៅតែជាអ្នកនាំពាក្យក្រសួងមហាផ្ទៃដដែល។ នេះបើតាមប្រកាស ដែលចេញដោយសម្តេច ស ខេង រដ្ឋមន្ត្រីក្រសួងមហាផ្ទៃ នៅថ្ងៃទី១៨ ខែតុលា ឆ្នាំ២០១៨។

ផ្អែកលើប្រកាសនោះដដែល សម្តេច ស ខេង បានតែងតាំងអ្នកនាំពាក្យក្រសួងមហាផ្ទៃម្នាក់ទៀត គឺលោក ផាត សុផានិត។ ប៉ុន្តែ លោក ផាត សុផានិត ជាអ្នកនាំពាក្យរង។

នៅក្រសួងមហាផ្ទៃ លោក ខៀវ សុភ័គ មានឋានន្តរសក្តិជានាយឧត្តមសេនីយ៍ (ផ្កាយ៤) និងជារដ្ឋលេខាធិការ ហើយក៏ជានាយខុទ្ទកាល័យរបស់សម្តេច ស ខេង ផងដែរ។

ចំណែក លោក ផាត សុផានិត មានឋានន្តរសក្តិជាឧត្តមសេនីយ៍ឯក (ផ្កាយ៣) និងជាប្រធាននាយកដ្ឋានទំនាក់ទំនងអន្តរជាតិ រួមទាំងជានាយរងខុទ្ទកាល័យរបស់សម្តេច ស ខេង៕