ជាតិ
សង្គមជាតិ
៥ឆ្នាំ សមត្ថកិច្ចបានបង្ក្រាបក្រុមក្មេងទំនើងជិត២៧០០ករណី
× ដោយគិតពីឆ្នាំ២០១៣ ដល់ ឆ្នាំ២០១៧ សមត្ថកិច្ច បានបង្ក្រាបក្រុមក្មេងទំនើងចំនួន២៦៦៦ករណី។ នេះបើតាមរបាយការណ៍ស្តីពីសមិទ្ធផលសំខាន់ៗរបស់ក្រសួងមហាផ្ទៃ ក្នុងរយៈពេល៥ឆ្នាំ។
ការបង្ក្រាបក្មេងទំនើង គឺជាប្រតិបត្តិការមួយ ក្នុងចំណោមប្រតិបត្តិការជាច្រើនទៀត របស់សមត្ថកិច្ច ដូចជា ប្រតិបត្តិការបង្ក្រាបបទឧក្រិដ្ឋ ប្រតិបត្តិការបង្ក្រាបបទល្មើសព្រហ្មទណ្ឌ និងប្រតិបត្តិការគ្រឿងញៀន ជាដើម។ យ៉ាងណាក៏ដោយ ក្នុងរបាយការណ៍របស់ក្រសួងមហាផ្ទៃ ពុំបានបញ្ជាក់លម្អិតឡើយ ថាក្មេងទំនើងទាំងនោះ ត្រូវបានបង្ក្រាប ដោយសារប្រព្រឹត្តទង្វើនិងបទល្មើសអ្វីខ្លះ។
សមិទ្ធផល និងទិន្នន័យផ្សេងៗ ក្នុងក្របខណ្ឌការងាររបស់ក្រសួងមហាផ្ទៃរយៈពេល៥ឆ្នាំ ត្រូវបានប្រមូលចងក្រងជារបាយការណ៍រួមមួយ ហើយត្រូវបានយកទៅផ្សព្វផ្សាយ នៅក្នុងកិច្ចប្រជុំ នៅព្រឹកថ្ងៃទី១៨ ខែតុលា ឆ្នាំ២០១៨។ កិច្ចប្រជុំនេះ ប្រព្រឹត្តទៅក្រោមអធិបតេយ្យភាពរបស់សម្តេច ស ខេង រដ្ឋមន្ត្រីក្រសួងមហាផ្ទៃ៕
Tag:
សន្តិសុខ
មហាផ្ទៃ
ក្មេងទំនើង
© រក្សាសិទ្ធិដោយ thmeythmey.com