នាដំណើរទៅអូស្ត្រាលី ព្រះនាង Meghan ស្លៀកខោខូវប៊យដែលផលិតនៅកម្ពុជា

ជាតិ

នាដំណើរទៅអូស្ត្រាលី ព្រះនាង Meghan ស្លៀកខោខូវប៊យដែលផលិតនៅកម្ពុជា

23, Oct 2018 , 9:39 pm

រូបភាព

ដោយ: ធីតា

ព្រះនាង Meghan Markle បានធ្វើព្រះរាជទស្សនកិច្ចទៅកាន់ប្រទេសអូស្ត្រាលីជាមួយព្រះស្វាមី គឺ ព្រះអង្គម្ចាស់ Harry នៃចក្រភពអង់គ្លេស។ អ្វីដែលគួរឲ្យកត់សម្គាល់នោះ ព្រះនាង Meghan បានស្លៀកខោខូវប៊យដ៏ស្រស់ស្អាត ដែលផលិតនៅកម្ពុជា។

ខោខូវប៊យដែលមានតម្លៃប្រមាណ២០០ដុល្លារអាមេរិក ផលិតដោយក្រុមហ៊ុន Outland Denim របស់ លោក James និង អ្នកស្រី Erica។ ប្តីប្រពន្ធនៅរដ្ឋ Queensland មួយគូនេះ បានបង្កើតក្រុមហ៊ុននេះ ឡើង ដើម្បីស្វែងរកថវិកា ជួយដល់ស្ត្រីកម្ពុជាដែលធ្លាប់រងគ្រោះដោយសារការជួញដូរផ្លូវភេទ។

អត្ថបទទាក់ទង

ព្រះអង្គ Harry និង Meghan ឡើងជា Duke និង Duchess of Sussex

តាមការផ្សាយរបស់ The Sydney Morning Herald ក្រុមហ៊ុន Outland Denim ត្រូវបានបង្កើតឡើងនៅឆ្នាំ២០១១ ដោយមានស្ត្រីខ្មែរ៤៥រូបបម្រើការដើម្បីផ្គត់ផ្គង់ផលិតផលពីកម្ពុជា។ អ្នកស្រី Erica បានបញញជាក់ថា ខ្លួននិងស្វាមី ចង់ជួយលើកកម្ពស់ជីវភាពស្ត្រីខ្មែរ ដែលធ្លាប់រងគ្រោះដោយការជួញដូរផ្លូវភេទ។

អ្នកស្រី Erica រំភើបចិត្តយ៉ាងខ្លាំង ដោយបានឃើញព្រះនាង Meghan ស្លៀកខោខូវប៊យ Brand របស់ក្រុមហ៊ុនខ្លួន។ គាត់ចាត់ទុកថា នេះជាការជួយផ្សព្វផ្សាយពាណិជ្ជកម្មមួយផងដែរ ដែលជំរុញឲ្យអ្នកស្រី និងស្វាមី កាន់តែមានកម្លាំងចិត្តជួយដល់ជនរងគ្រោះនៅកម្ពុជា៕