ជាតិ
ព្រះមហាក្សត្រ
រដ្ឋធម្មនុញ្ញ៖ ព្រះមហាក្សត្រ ទ្រង់គ្រងរាជ្យមួយជីវិត ហើយគ្មានអ្នកណា អាចបំពានបានឡើយ
ព្រះបាទ នរោត្តម សីហមុនី ឡើងសោយរាជ្យ កាលពីថ្ងៃឆ្នាំ២០០៤។ រូបពី AFP
×![]()
ដោយ: ថ្មីៗ
កាលពីថ្ងៃទី២៩ ខែតុលា ២០០៤ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃប្រទេសកម្ពុជា ទ្រង់ឡើងគ្រងព្រះបរមសិរីរាជសម្បត្តិ។ នៅក្នុងសម័យព្រះរាជាណាចក្រកម្ពុជាទីពីរនេះ ព្រះអង្គ ជាព្រះមហាក្សត្រទីពីរ បន្ទាប់ពីព្រះបិតារបស់ព្រះអង្គ។
រដ្ឋធម្មនុញ្ញកម្ពុជា ដែលជាច្បាប់កំពូលរបស់កម្ពុជា មាន១៧ជំពូក និង១៦០មាត្រា ដោយក្នុងនោះ មាន២៤មាត្រា នៃជំពូកទី២ ចែងអំពីព្រះមហាក្សក្សត្រ។ មាត្រា៧នៃរដ្ឋធម្មនុញ្ញកម្ពុជា បានចែងថា «ព្រះមហាក្សត្រកម្ពុជា ទ្រង់គ្រងរាជ្យសម្បត្តិ ប៉ុន្តែទ្រង់មិនកាន់អំណាចឡើយ។ ព្រះមហាក្សត្រ ទ្រង់ជាព្រះប្រមុខរដ្ឋមួយជីវិត។ អង្គព្រះមហាក្សត្រ មិនអាចនរណារំលោភបំពានបានឡើយ»។
ចំណែកមាត្រា៨ បានចែងថា «ព្រះមហាក្សត្រ ទ្រង់ជានិមិត្តរូបនៃឯកភាពជាតិ និង និរន្តរភាពជាតិ»។ ព្រះមហាក្សត្រ ទ្រង់ជាអ្នកធានាឯករាជ្យជាតិ អធិបតេយ្យ និងបូរាណភាពទឹកដីកម្ពុជា ទ្រង់ជាអ្នកធានាការគោរពសិទ្ធិ និង សេរីភាពរបស់ប្រជាពលរដ្ឋ និង ការគោរពសន្ធិសញ្ញាអន្តរជាតិ»។
មានចំណុចពីរ ដែលរដ្ឋធម្មនុញ្ញកម្ពុជា ហ៊ាមឃាត់មិនឲ្យធ្វើវិសោធនកម្មជាដាច់ខាត គឺរបបរាជានិយមអាស្រ័យរដ្ឋធម្មនុញ្ញ និងប្រព័ន្ធប្រជាធិបតេយ្យសេរី ពហុបក្ស។
ក្នុងព្រះរាជពិធីបុណ្យខួប១៤ឆ្នាំនៃការឡើងសោយរាជ្យ មេដឹកនាំកម្ពុជាជាច្រើនរូប ដូចជា សម្តេច សាយ ឈុំ សម្តេច ហេង សំរិន សម្តេច ហ៊ុន សែន សម្តេច ស ខេង និង សម្តេច ទៀ បាញ់ ជាដើម បានចេញសារលិខិតថ្វាយព្រះពរដល់ព្រះមហាក្សត្រ។ បច្ចុប្បន្ន ព្រះអង្គ មានព្រះជន្ម៦៥ព្រះវស្សា៕
Tag:
ព្រះមហាក្សត្រ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
