រូបសំណាកព្រះបរមរតនកោដ្ឋសម្រាប់ដាក់តាំងនៅក្រុងប៊ុយការ៉េស ប្រទេសរូម៉ានី

ជាតិ

រូបសំណាកព្រះបរមរតនកោដ្ឋសម្រាប់ដាក់តាំងនៅក្រុងប៊ុយការ៉េស ប្រទេសរូម៉ានី

01, Nov 2018 , 5:19 pm

រូបភាព

ដោយ: ថ្មីៗ

ក្រសួងវប្បធម៌ និងវិចិត្រសិល្បៈ បានរៀបចំពិធីសាសនាមួយនាថ្ងៃទី១ ខែវិច្ឆិកា នេះ ដើម្បីថ្វាយដល់រូបសំណាករបស់ព្រះករុណា ព្រះបរមរតនកោដ្ឋ នរោត្តម សីហនុ សម្រាប់សិតយកទៅដាក់នៅទីលានហ្វ្រង់កូហ្វូននី ទីក្រុងប៊ុយការ៉េស ប្រទេសរូម៉ានី។

ក្នុងលិខិតផ្ញើទៅកាន់លោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានបញ្ជាក់ឲ្យថា សម្តេចព្រះមហាក្សត្រី ព្រះវររាជមាតាជាតិខ្មែរ ព្រះអង្គបានសព្វព្រះរាជហឫទ័យជ្រើសរើសយករូបគំរូទី១ ក្នុងចំណោមរូបគំរូចំនួន២នៃព្រះឆាយាល័ក្ខណ៍ ព្រះបរមរតនកោដ្ឋ សម្រាប់សិតយកទៅដាក់នៅលានហ្វ្រង់កូហ្វូននី ទីក្រុងប៊ុយការេស ប្រទេសរូម៉ានី។

រូបសំណាកនេះ គឺដើម្បីឧទ្ទិសដល់ស្ថាបនិកនៃអង្គការហ្វ្រង់កូហ្វូនីអន្តរជាតិ ក៏ដូចជានិមិត្តរូបនៃចំណងមិត្តភាពរវាងកម្ពុជា-រូម៉ានី តាមសំណើររបស់ក្រសួងការបរទេស និងសហប្រតិបត្តិការអន្តរជាតិ៕