ពីនេះ ពីនោះ
រូបត្លុក
×![]()
ភ្នំពេញ៖ ចេះតែនាំគ្នានិយាយថា ស្រឡាញ់ជាតិ តែចេះតែនាំគ្នាកេងពីរដ្ឋ។ ទស្សនយល់ខុសមួយចំនួននៅតែកើតមានឡើងជានិច្ចក្នុងចំណោមពលរដ្ឋខ្មែរមួយចំនួន។ គ្រួសារខ្លះ ឬពលរដ្ឋខ្លះ នៅតែនាំគ្នាគិតថា កូនចៅរបស់ពួកគេគួរតែមានការងារ«រដ្ឋ»មួយឲ្យហើយសិនទៅ ព្រោះ វាជាការងារពិតប្រាកដ និងគ្មានហានិភ័យ។ នៅពេលទទួលបានការងារ«រដ្ឋ»ហើយ ពួកគេមិនចាំបាច់ទៅធ្វើការងារឲ្យពិតប្រាកដជូនរដ្ឋទេ ពោល គឺធ្វើ«លំ»ៗបានហើយ ហើយយកពេលវេលានោះ ទៅធ្វើការឲ្យឯកជន ឬអង្គការវិញ។ 
ចូរកុំនាំគ្នាគិតខុសដោយយល់ថា ការងាររដ្ឋជាការងារគ្រាន់តែមក«ទុំ»ដើម្បីទទួលយកប្រាក់ខែប៉ុណ្ណោះ។ តែវាជាការងារពិតប្រាកដ ថ្លៃថ្នូរ វាជាការងារបម្រើជាតិ និងបម្រើប្រជាជនយ៉ាងមោះមុត។ វាមិនមែនជាការងារ«លំ»ៗ ទេ។ ប្រសិនបើម្នាក់ៗគិតតែចង់បានពីរដ្ឋ ហើយអត់ជួយរដ្ឋវិញ តើរដ្ឋប្រឈមនឹងការក្ស័យធនមែនឬទេ? រដ្ឋបើកប្រាក់ខែជូនមន្ត្រី ហើយមន្ត្រី (មួយចំនួន) មិនធ្វើការ មានន័យយ៉ាងច្បាស់ថា ម៉ាស៊ីនចង្វាក់ផលិតកម្ម ឬផលិតភាពរបស់រដ្ឋពិតជាថយចុះ។ ប្រធានាធិបតីទី៣៥នៃសហរដ្ឋអាមេរិក John Fitzgerald Kennedy បាននិយាយថា៖«ចូរកុំសួរថា តើជាតិអាចធ្វើអ្វីសម្រាប់អ្នក តែអ្នកវិញទេដែលត្រូវតែសួរខ្លួនឯងថា តើអ្នកត្រូវធ្វើអ្វីដើម្បីជាតិ»។
ឃ្លានេះ មានន័យគ្រប់គ្រាន់ សម្រាប់ពលរដ្ឋម្នាក់ៗ មិនថា តែជនជាតិខ្មែរទេ តែពលរដ្ឋនៃគ្រប់ជាតិសាសន៍។ បើចង់ឲ្យជាតិខ្លាំង រីកចម្រើន ពលរដ្ឋម្នាក់ៗ ត្រូវតែជួយជាតិ ពោល គឺមិនមែន មក«បឺត»ពីជាតិនោះទេ៕
Tag:
ត្លុក
© រក្សាសិទ្ធិដោយ thmeythmey.com
