រៀនចប់ផ្នែកមេកានិក លោក ស៊ិង សុង មកបើកហាងកាហ្វេសរីរាង្គ ជាមួយយុវជន ៨នាក់ទៀត

ជាតិ

បទសម្ភាសន៍

សេដ្ឋកិច្ច

រៀនចប់ផ្នែកមេកានិក លោក ស៊ិង សុង មកបើកហាងកាហ្វេសរីរាង្គ ជាមួយយុវជន ៨នាក់ទៀត

10, Nov 2018 , 3:04 pm

រូបភាព

ដោយ:

ភ្នំពេញ៖ លោក ស៊ិង សុង បានចូលទុនជាមួយយុវជន៨រូបផ្សេងទៀត បើកហាងកាហ្វេសរីរាង្គយីហោ«Bousra Café (ប៊ូស្រាកាហ្វេ)» ដែលទើបសម្ពោធក្នុងពេលថ្មីៗនេះ។ យុវជនរូបនេះ ជឿជាក់ថា ហាងនេះនឹងឈរជើងនៅភ្នំពេញ ដោយសារសាធារណជននាពេលបច្ចុប្បន្ន មាននិន្នាការបរិភោគផលិតផលសរីរាង្គ។

សូមស្ដាប់កិច្ចសម្ភាសរវាងលោក ញ៉ុង ហេង នៃសារព័ត៌មានថ្មីៗ និងលោក ស៊ិង សុង សហស្ថាបនិក និងជាអ្នកគ្រប់គ្រងទូទៅហាង ប៊ូស្រាកាហ្វេ ដូចតទៅនេះ៖

លោក ស៊ិង សុង អះអាងថា ហាងប៊ូស្រាកាហ្វេនេះ ត្រូវបានបង្កើតឡើងដោយស្ថាបនិកច្រើនគ្នា ព្រោះពួកគេទើបបញ្ចប់ការសិក្សាមានថវិកាស្ដួចស្ដើង ដោយត្រូវការចូលទុនគ្នាច្រើន និងគំនិតច្រើន។ យុវជនរូបនេះ ជឿជាក់ថា កាហ្វេរបស់ខ្លួន នឹងទទួលការគាំទ្រច្រើន ស្របតាមនិន្នាបរិភោគផលិតផលសរីរាង្គនាពេលសព្វថ្ងៃ និងការគាំទ្រផលិតផលក្នុងស្រុក។

យុវជន ស៊ិង សុង បានបញ្ចប់ការសិក្សាបរិញ្ញាបត្រផ្នែកមេកានិក។ ក្រោយបញ្ចប់ការសិក្សាភ្លាម យុវជនរូបនេះបានបម្រើការងារសាកល្បងនៅក្រុមហ៊ុនមួយអស់រយៈពេល៦ខែ មុនមកបើកហាងកាហ្វេមួយនេះ។ ទោះគ្មានបទពិសោធន៍រកស៊ី តែលោក ស៊ិង សុង អះអាងថារូបគេបានរៀនសូត្រពីសៀវភៅ សិក្ខាសាលា អ្នកជំនួញ និងចូលរួមប្រឡូកក្នុងកម្មវិធីផ្សេងៗទៀត ដើម្បីក្រេបយកចំណេះដឹងពីរបៀបធ្វើអាជីវកម្ម៕