ជាតិ
នគរបាលឃាត់ខ្លួនស្ត្រី១១នាក់ដែលស៊ីឈ្នួលពពោះ រូបពីអគ្គស្នងការនគរបាលជាតិ
× ភ្នំពេញ៖ កម្លាំងនគរបាល បានឃាត់ខ្លួនអ្នកពាក់ព័ន្ធករណីស៊ីឈ្នួលពពោះជំនួស ចំនួន១៥រូប ក្នុងនោះស្ត្រីកំពុងពពោះមាន១១រូប។ នេះបើយោងតាម យោងតាមគេហទំព័ររបស់អគ្គស្នងការដ្ឋាននគរបាលជាតិ។
កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជននៃស្នងការនគរបាលរាជធានីភ្នំពេញ នៅថ្ងៃទី៨ខែវិច្ឆិកា បានចុះបង្ក្រាបទីតាំងមួយកន្លែងដែលជាប់ពាក់ព័ន្ធករណីស៊ីឈ្នួលពពោះជំនួស ដោយឃាត់ខ្លួនបានមនុស្ស១៥នាក់ ក្នុងនោះមានស្ត្រីកំពុងពពោះ១១នាក់ ប្រុស២នាក់ និងចុងភៅ២នាក់ទៀត ដែលមានទីតាំងនៅខណ្ឌសែកនសុខ។
បើតាមលោក ទូច សារ៉េន នាយករងការិយាល័យប្រឆាំងការជួញដូរមនុស្ស និងការពារអនិតិជន ករណីខាងលើនេះកំពុងស្ថិតក្រោមការសួរនាំរបស់សមត្ថកិច្ចជំនាញ ដើម្បីកសាងសំណុំរឿងចាត់ការតាមច្បាប់៕
Tag:
ស្ត្រីស៊ីឈ្នួលពពោះ
© រក្សាសិទ្ធិដោយ thmeythmey.com