អន្តរជាតិ
សិង្ហបុរីរៀបចំកិច្ចប្រជុំកំពូលអាស៊ានលើកទី៣៣នៅថ្ងៃទី១១ខែវិច្ឆិកានេះ
× សិង្ហបុរីនឹងធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ានលើកទី៣៣ ចាប់ពីថ្ងៃទី១១ រហូតដល់ថ្ងៃទី១៥ខែវិច្ឆិកាឆ្នាំនេះ។ កិច្ចប្រជុំថ្នាក់តំបន់ប្រចាំឆ្នាំនេះនឹងត្រូវធ្វើឡើងនៅមជ្ឈមណ្ឌល Suntec Singapore Convention
កិច្ចប្រជុំនេះនឹងការចូលរួមពីសំណាក់ប្រមុខរដ្ឋប្រមុខរដ្ឋាភិបាលនៃបណ្តាសមាជិកអាស៊ានទាំងដប់ និងបណ្តាមេដឹកនាំប្រទេសជាដៃគូសន្ទនាផងដែរ។ នាយករដ្ឋមន្ត្រីសិង្ហបុរីលោក លី សៀនឡុង នឹងទទួលស្វាគមន៍យ៉ាងកក់ក្តៅរាល់ប្រតិភូជាន់ខ្ពស់បរទេសទាំងនេះដែរ។
ទូរទស្សន៍សិង្ហបុរី Channel News Asia បានស្រង់សម្តីអ្នកនាំពាក្យនាយករដ្ឋមន្ត្រីសិង្ហបុរីថា កិច្ចប្រជុំកំពូលអាស៊ាននេះនឹងមានការជជែកវែកញែកអំពីការអភិវឌ្ឍទីក្រុងឆ្លាតក្នុងតំបន់អាស៊ីអាគ្នេយ៍ដែលពឹងផ្អែកសំខាន់លើការប្រើប្រាស់បច្ចេកវិទ្យាទំនើប រួមជាមួយការពិភាក្សាដោះស្រាយបញ្ហាប្រឈមសេដ្ឋកិច្ច និងភូមិសាស្ត្រនយោបាយតំបន់ និងពិភពលោកផងដែរ។
ក្រៅពីកិច្ចប្រជុំកំពូលមេដឹកនាំអាស៊ានលើកទី៣៣ វានឹងមានកិច្ចប្រជុំកំពូលផ្សេងទៀតដូចជាកិច្ចប្រជុំអាស៊ានបូកបីលើកទី២១ និងកិច្ចប្រជុំប្រទេសអាស៊ីបូព៌ាលើកទី១៣។
ជំនួបដ៏សំខាន់មួយនេះក៏នឹងមានវត្តមានមេដឹកនាំប្រទេសមហអំណាចពិភពលោក និងតំបន់ ជាច្រើនទៀតដូចជា ប្រទេសជប៉ុន ចិន កូរ៉េខាងត្បូង រុស្សី ចិន និងសហរដ្ឋអាមេរិកផងដែរ។ អ្វីដែលគួរឲ្យកត់សម្គាល់នោះ ឆ្នាំ ២០១៨នេះ អនុប្រធាធិបតីអាមេរិកលោក ម៉ៃ ផេន នឹងតំណាងលោក ដូណាល់ ត្រាំ ដើម្បីមកចូលរួមកិច្ចប្រជុំអាស៊ាននៅសិង្ហបុរីនេះ៕
Tag:
អាស៊ាន
សិង្ហបុរី
© រក្សាសិទ្ធិដោយ thmeythmey.com