ជាតិ
នយោបាយជាតិ
តំណាងសភាកម្ពុជា ទៅចូលរួមប្រជុំសភាតំបន់អាស៊ី ក្រោមប្រធានបទ «ការអភិវឌ្ឍសេដ្ឋកិច្ច»
លោក ងួន ញ៉ិល ឡើងថ្លែងសារ ក្នុងកិច្ចប្រជុំ APA កាលពីឆ្នាំ២០១៦ ដែលកម្ពុជា ធ្វើជាម្ចាស់ផ្ទះ
×![]()
ដោយ: ថ្មីៗ
លោក ងួន ញ៉ិល អនុប្រធានទីមួយនៃរដ្ឋសភាកម្ពុជា ទៅចូលរួមមហាសន្និបាតសភាតំបន់អាស៊ី (APA) លើកទី១១ ពីថ្ងៃទី២៧ ខែវិច្ឆិកា ដល់ថ្ងៃទី៤ ខែធ្នូ ឆ្នាំ២០១៨ ដោយប្រទេសតួកគី ជាម្ខាស់ផ្ទះ។ ប្រធានបទនៃកិច្ចប្រជុំនេះ គឺ «ការជំរុញឲ្យមានការរីកចម្រើនសេដ្ឋកិច្ចនៅតំបន់អាស៊ី»។
បើតាមសេចក្តីជូនដំណឹងរបស់រដ្ឋសភាកម្ពុជា មហាសន្និបាតនេះ នឹងមានការចូលរួមពីថ្នាក់ដឹកនាំរដ្ឋសភានិងព្រឹទ្ធសភា ពីបណ្តាប្រទេសជាង៤០ ដែលជាសមាជិក រួមទាំងក្រុមអង្គការ-សង្គមស៊ីវិលអន្តរជាតិ ពីបណ្តាប្រទេសជាង២០ទៀត ដែលចាត់ទុកជាដៃគូអភិវឌ្ឍ។
រដ្ឋសភាកម្ពុជា ធ្លាប់ធ្វើជាម្ចាស់ផ្ទះនៃមហាសន្និបាតសភាតំបន់អាស៊ីចំនួនពីរលើករួចមកហើយ គឺនៅឆ្នាំ២០១៥និងនៅឆ្នាំ២០១៦។
សភាតំបន់អាស៊ី ត្រូវបានបង្កើតឡើងនៅឆ្នាំ២០០៦ ហើយកម្ពុជា ក៏ជាស្ថាបនិកផងដែរ។ បេសកកម្មនិងគោលបំណងចម្បងនៃស្ថាប័ននីតិបញ្ញត្តិអន្តរជាតិមួយនេះ គឺដើម្បីជំរុញឲ្យមានសន្តិភាពនិងសមាហរណកម្មសម្រាប់តំបន់អាស៊ីទាំងមូល៕
Tag:
APA
ងួន ញ៉ិល
© រក្សាសិទ្ធិដោយ thmeythmey.com
