Hasebe ដែល​បច្ចុប្បន្នកំពុង​ប្រកប​អាជីព​ក្នុង​ក្រុម Eintracht Frankfurt នៃ​លី​គ​កំពូល​អាល្លឺម៉ង់ ជា​អ្នក​នាំ​ក្រុម​ជម្រើសជាតិ​នៅ​តំន់​អាស៊ី​តែមួយគត់​ដើម្បី​ឆ្លង​ផុត​វគ្គ​ជម្រុះ​តាម​ពូ​ល ក្នុងការ​ប្រកួត World Cup នៅ​រុស្ស៊ី​កន្លងទៅ និង​ជាការ​បង្ហាញខ្លួន​លើក​ទី​៣​ក្នុងនាម​ប្រធាន​ក្រុម​របស់​ក្រុម​រហស្សនាម​សា​ម៉ូ​រ៉ៃ​ក្នុង​ព្រឹត្តិការណ៍​បាល់ទាត់​ពិភពលោក​ផងដែរ​។​

 

​ខ្សែបម្រើ​វ័យ ៣៤ ឆ្នាំ​រូបនេះ បានប្រកាស​ចូលនិវត្តន៍​ពី​ក្រុម​ជម្រើសជាតិ​នៅក្រោយពេល​ជប៉ុន​រង​បរាជ័យ ៣-២ ក្រោម​ថ្វី​ជើង​បែលហ្ស៊ិក​នៅត្រឹម​វគ្គ ១៦​ក្រុម​ចុងក្រោយ នៅឯ​ការប្រកួត World Cup ឆ្នាំ​២០១៨​។ 

 

​អតីត​សមាជិក​ក្រុម Urawa Red, VfL Wolfsburg និង Eintracht Frankfurt រូបនេះ ធ្លាប់​បង្ហាញខ្លួន​ឲ្យ​ជម្រើសជាតិ​ចំនួន ១១៤ លើក និង​បាន​នាំ​ជប៉ុន​ឈ្នះ​ពានរង្វាន់ AFC Asian Cup ក្នុង​ឆ្នាំ ២០១១ មួយ​លើក​ដែរ​។​


 

​ដោយឡែក Abdelkarim Hassan ខ្សែការពារ​របស់​ក្រុម​ជម្រើសជាតិ​កាតា និង​ក្លិប Al Sadd ជាប់​ជា​កីឡាករ​ល្អ​ប្រចាំ​ទ្វីបអាស៊ី​ឆ្នាំ​២០១៨ (Asian Player of the Year) ដោយ​ប្រជែង​ឈ្នះ​កីឡាករ​ជប៉ុន​ពីររូប​រួមមាន Kento Misao និង​មិត្ត​រួម​ក្រុម Yuma Suzuki ដែល​មកពី​ក្លិប Kashima Antlers​។​
 

​ក្នុងចំណោម​អ្នកទទួល​ពានរង្វាន់​ផ្សេងទៀត​នៅក្នុង​រាជធានី​អូ​ម៉​ង់ រួ​មាន​អ្នកចាត់ការ​ជនជាតិ​ជ​ប៉ិន​របស់​ក្លិប Kashima Antlers លោក Go Oiwa ត្រូវបានតែងតាំង​ជា​គ្រូបង្វឹក​ល្អ​បំផុត​ប្រចាំឆ្នាំ (Men's Coach of the Year) បន្ទាប់ពី​នាំ​ក្រុម​ឈ្នះ​ពានរង្វាន់ Asian Champions League ជា​លើកដំបូង​ក្នុង​ប្រវត្តិសាស្ត្រ​ក្លិប​។​


 

​អ្នកស្រី Asako Takakura អ្នកចាត់ការ​ក្រុមកីឡា​ការិនី​ជប៉ុន ដែល​បាន​ដឹកនាំ​ក្រុម​ឈ្នះ​ពានរង្វាន់ AFC Women's Asian Cup លើក​ទី​ពីរ​ជាប់​គ្នា​ក្រោម​ការដឹកនាំ​របស់​អ្នកស្រី ត្រូវបានតែងតាំង​ជា​គ្រូបង្វឹក​ប្រចាំឆ្នាំ​ល្អ​ជាងគេ (Women's Coach of the Year) ជា​លើក​ទី​២​ជាប់ៗ​គ្នា​៕

 

​