Sadio Mane និង Xherdan Shaqiri ជាអ្នកជួយឲ្យ Liverpool ឲ្យនៅរក្សាការនាំមុខពិន្ទុក្នុងតារាង និងបន្តភាពមិនចាញ់សោះនៅ Premier League បន្ទាប់ពីយកឈ្នះ Manchester United ដោយលទ្ធផល ៣-១។ រីឯ Southampton ក្រោមការដឹកនាំរបស់អ្នកចាត់ការថ្មីលោក Ralph Hasenhüttl អាចជួយក្រុមគេចផុតពីតំបន់ត្រូវកាត់ចោល តាមរយៈការបញ្ចប់ភាពមិនចាញ់សោះចំនួន២២ប្រកួតរបស់ក្រុម Arsenal ដោយការស៊ុតចូលទីគ្នា ៣-២។
តាមរយៈការប្រកួត១៧លើកកន្លងមក ក្រុមរហស្សនាមហង្សក្រហមនៅមិនទាន់ស្គាល់ចាញ់នៅឡើយទេ ដោយឈ្នះ១៤លើ និងស្មើ៣លើក មាន៤៥ពិន្ទុឈរនៅកំពូលតារាង ដោយនាំមុខក្រុម Manchester City តែមួយពិន្ទុប៉ុណ្ណោះ។ ក្រុមម្ចាស់ជើងឯកចាស់ចាញ់តែមួយលើកគត់ក្នុងការប្រកួតទាំងអស់នៃក្របខណ្ឌកំពូលអង់គ្លេស។
ក្រោមការដឹកនាំរបស់លោក Jurken Klopp រួមជាមួយនឹងខ្សែប្រយុទ្ធដែលកំពុងលេចធ្លោដូចជា Mohamad Salah, Sadio Mane និង Firmino ជាដើមនោះ Liverpool កំពុងដើរនៅលើផ្លូវនៃក្តីសង្ឃឹមថានឹងអាចឈ្នះពានលំដាប់ទី១អង់គ្លេសនេះ។
ដោយឡែក Southampton ដែលទើបបញ្ចប់តំណែងអ្នកចាត់លោក Mark Hughes ក្រោយដឹកនាំក្រុមមិនបានល្អសោះនោះ អាចរកឃើញជ័យជម្នះទី២របស់ក្រុមក្នុងរដូវកាល ២០១៨-២០១៩ នេះហើយ។ លោក Ralph Hasenhüttl ដែលទើបឡើងមកជំនួសកៅអីលោក Hughes បាននាំក្រុមយកឈ្នះក្រុមខ្លាំង Arsenal ដើម្បីគេចផុតពីតំបន់ត្រូវកាត់ចោលទៅក្របខណ្ខ Championship រដូវលក្រោយដោយទទួលបាន១២ពិន្ទុ ឈរនៅចំណាត់ថ្នាក់ទី១៧។
ជ័យជម្នះរបស់ Southampton គឺជាការបញ្ចប់ភាពមិនដែលចាញ់សោះរបស់ក្រុមកាំភ្លើងធំក្នុងចំណោមការប្រកួតទាំង២២លើកចុងក្រោយ ក្រោមការដឹកនាំរបស់លោក Unai Emery។ Arsenal ស្ថិតនៅចំណាត់ថ្នាក់ទី៥បណ្តោះអាសន្នក្នុងតារាង Premier League មាន៣៤ពិន្ទុ តាមពីក្រោយ Chelsea ដែលមាន៣៧ពិន្ទុ និង Totteham Hotspur មាន៣៩ពិន្ទុ៕
តារាងចំណាត់ថ្នាក់ និងពិន្ទុរបស់ក្រុមទាំង២០នៃក្របខណ្ឌ Premier League គិតត្រឹមសប្តាហ៍ទី១៧៖
១ Liverpool ៤៥ពិន្ទុ
២ Manchester City ៤៤ពិន្ទុ
៣ Tottenham Hotspur ៣៩ពិន្ទុ
៤ Chelsea FC ៣៧ពិន្ទុ
៥ Arsenal ៣៤ពិន្ទុ
៦ Manchester United ២៦ពិន្ទុ
៧ Wolverhampton ២៥ពិន្ទុ
៨ Everton ២៤ពិន្ទុ
៩ West Ham United ២៤ពិន្ទុ
១០ Watford ២៤ពិន្ទុ
១១ AFC Bournemouth ២៣ពិន្ទុ
១២ Leicester City ២២ពិន្ទុ
១៣ Brighton ២១ពិន្ទុ
១៤ Newcastle United ១៦ពិន្ទុ
១៥ Crystal Palace ១៥ពិន្ទុ
១៦ Cardiff City ១៤ពិន្ទុ
១៧ Southampton ១២ពិន្ទុ
១៨ Burnley ១២ពិន្ទុ
១៩ Huddersfield ១០ពិន្ទុ
២០ Fulham ៩ពិន្ទុ