កម្ពុជាត្រូវកែច្នៃកសិផលនាំទៅទីផ្សារអន្តរជាតិខ្លួនឯង ជាជាងឲ្យអ្នកជិតខាងធ្វើជំនួស

ជាតិ

សេដ្ឋកិច្ច

កម្ពុជាត្រូវកែច្នៃកសិផលនាំទៅទីផ្សារអន្តរជាតិខ្លួនឯង ជាជាងឲ្យអ្នកជិតខាងធ្វើជំនួស

21, Dec 2018 , 8:39 pm

រូបភាព

ដោយ:

ភ្នំពេញ៖ កម្ពុជាមិនអាចពឹងលើការនាំចេញប្រភេទទំនិញដដែលៗ ជាអាទិ៍ផលិតផលកាត់ដេរ និងផលិតផលតែប៉ុន្មានមុខនោះទេ គឺចាំបាច់ត្រូវធ្វើពិពិធកម្ម ឬពឹងលើទំនិញច្រើនមុខ ដើម្បីធានានូវកំណើនសេដ្ឋកិច្ចយូរអង្វែងទៅមុខទៀត។ មួយក្នុងចំណោមផលិតផលពិពិធកម្ម គឺការកែច្នៃកសិផលក្នុងស្រុក ដើម្បីនាំចេញទៅទីផ្សារអន្តរជាតិ ខណៈសព្វថ្ងៃកម្ពុជានៅបន្តនាំចេញវត្ថុធាតុដើមកសិផលនៅឡើយ ដែលភាគច្រើនត្រូវនាំទៅប្រទេសជិតខាង ដែលគេនឹងកែច្នៃនាំចេញបន្ត។

ដើម្បីជ្រាបច្បាស់ សូមស្ដាប់កិច្ចសម្ភាសរវាងលោក ញ៉ុង ហេង នៃសារព័ត៌មានថ្មីៗ និងលោក លី សូដេត អ្នកសេដ្ឋកិច្ចជាន់ខ្ពស់នៃធនាគារពិភពលោក ដូចតទៅនេះ៖

ការធ្វើពិពិធកម្មរបស់កម្ពុជា មានដំណើរល្អជាបណ្ដើរៗដែរហើយ តាមរយៈការផលិតនាំចេញគ្រឿងអេឡិចត្រូនិក គ្រឿងបន្លាស់ ជាដើម ប៉ុន្តែត្រូវពង្រឹងបន្ថែមទៀតលើការកែច្នៃកសិផលជាដើម។ នេះជាការអះអាងរបស់អ្នកជំនាញសេដ្ឋកិច្ច។ ទន្ទឹមនឹងមានដំណើរការល្អជាបណ្ដើរៗ តែកម្ពុជាប្រឈមបញ្ហាមួយចំនួនរួមមាន ថ្លៃអគ្គិសនីខ្ពស់ ប្រភពទុនសម្រាប់SME កង្វះកម្លាំងពលកម្មជំនាញ និងភាពលំបាកអំពីនីតិវិធីធ្វើធុរកិច្ច ជាដើម ដែលជាឧសគ្គដល់ការធ្វើពិពិធកម្ម។

ទោះយ៉ាងណា សេដ្ឋវិទូធនាគារពិភពលោកបានមើលឃើញពីការបណ្ដាក់ទុនរោងចក្រកែច្នៃនាពេលថ្មីៗនេះ ដូចជាគម្រោងកែច្នៃដំឡូងមីនៅខេត្តក្រចេះជាដើម និងការព្យាយាមទម្លាក់តម្លៃអគ្គិសនីរបស់រដ្ឋាភិបាល ដែលសុទ្ធសឹងជាជំហានវិជ្ជមានសម្រាប់ការធ្វើពិពិធកម្ម៕