ជាតិ
អាជ្ញាធរហាមយានយន្តគ្រប់ប្រភេទ ឆ្លងកាត់ផ្លូវលីយ៉ុងផាត់ ចាប់ពីថ្ងៃទី២៨ធ្នូ-១មករា ដើម្បីសម្ពោធវិមាន«ឈ្នះឈ្នះ» រូបពីហ្វេសប៊ុកសម្ដេចនាយករដ្ឋមន្រ្តី ហ៊ុន សែន
× ភ្នំពេញ៖ ចាប់ពីថ្ងៃទី២៨ធ្នូ-១មករា ម្ចាស់អាជីវកម្មក្រឡុងស៊ីម៉ង់ត៍ ម្ចាស់រថយន្តតូច ធំគ្រប់ប្រភេទ និងម៉ូតូសន្តោង ហាមធ្វើចរាចរណ៍ឆ្លងកាត់ទៅកំណាត់លីយ៉ុងផាត់ ពីគល់ស្ពានព្រែកព្នៅ ដល់ផ្លូវគីឡូម៉ែត្រលេខ៦។ មូលហេតុដែលអាជ្ញាធរហាមការចរាចរណ៍រយៈពេល៥ថ្ងៃនេះ គឺដើម្បីសម្ពោធវិមាននយោបាយ«ឈ្នះឈ្នះ» របស់សម្តេច ហ៊ុន សែន និងដើម្បីអបអរសាទរបុណ្យចូលឆ្នាំសកល២០១៩ ផង។ នេះបើតាមសាលារាជធានីភ្នំពេញ។
ជាមួយគ្នានេះ រដ្ឋបាលរាជធានីភ្នំពេញ បានប្រាប់ឲ្យម្ចាស់រថយន្តខាងលើ ដែលត្រូវធ្វើចរាចរណ៍ចំថ្ងៃនោះ ត្រូវពង្រាងផ្លូវ ដោយត្រូវឆ្លងកាត់តាមស្ពានព្រែកក្តាមវិញ។
សូមជម្រាបថា វិមាន«ឈ្នះ ឈ្នះ»នេះ ត្រូវបានសាងសង់ឡើង លើផ្ទៃដីទំហំ៨ហិកតា នៅសង្កាត់បាក់ខែង ខណ្ឌ័ជ្រោយចង្វា ទល់មុខពហុកីឡាដ្ឋានជាតិ មរតកតេជោ ក្នុងតំបន់អភិវឌ្ឍន៍លីយ៉ុងផាត់។ សំណង់នេះ ដើម្បីបង្ហាញពីជោគជ័យនៃនយោបាយ«ឈ្នះ ឈ្នះ»របស់សម្តេច ហ៊ុន សែន នៃការបញ្ចប់សង្គ្រាមស៊ីវិលនៅកម្ពុជា និងធ្វើឲ្យប្រទេសជាតិ ទទួលបានសុខ សន្តិភាពពេញលេញនៅទូទាំងប្រទេស នៅឆ្នាំ១៩៩៨ មក៕
Tag:
ជាតិ
ឈ្នះឈ្នះ
វិមាន
លីយ៉ុងផាត់
រថយន្ត
© រក្សាសិទ្ធិដោយ thmeythmey.com