កីឡាអន្តរជាតិ
អន្តរជាតិ
Man City ឲ្យ Liverpool ស្គាល់ចាញ់លើកដំបូង និងកាត់បន្ថយការនាំមុខ
× Leroy Sane បានស៊ុតបាល់បញ្ចូលទីនៅនាទី៧២ ដើម្បីឲ្យ Manchester City បញ្ចប់ជាមួយនឹងជ័យជម្នះ ២-១ លើ Liverpool ហើយក៏ជាបរាជ័យលើកដំបូងផងដែររបស់ហង្សក្រហមក្រោយប្រកួតបាន២១សប្តាហ៍។
គ្រាប់បាល់បញ្ចូលទីរបស់ Sane កើតឡើងបន្ទាប់ពី Sergio Aguero ស៊ុតនាំមុខឲ្យមេឃខៀវនៅតង់ទីមួយ ហើយ Roberto Firmino បានតាមស្មើវិញ ក្រោយប្រកួតបានជាងមួយម៉ោង។
លទ្ធផលនេះ នាំឲ្យ Man City ទទួលបាន៥០ពិន្ទុ និងកាត់បន្ថយគម្លាតនាំមុខរបស់ Liverpool មកត្រឹម៤ពិន្ទុ ហើយតាមពីក្រោយជាបន្តបន្ទាប់ដោយ Tottenham Hotspur, Chelsea, Arsenal និង Manchester United។
បរាជ័យនាំឲ្យឱកាសទទួលបានពានមាស «The Invincibles» របស់ Liverpool ត្រូវបាត់បង់។ «The Invincibles» ជាពានសំដៅលើការមិនស្គាល់ចាញ់ក្នុងក្របខណ្ឌ Premier League ដែល Arsenal ទទួលបានកាលពីរដូវកាល ២០០៣-០៤ ជាមួយអបរាជ័យ ៣៨ប្រកួត។
ក្រុមដែលធ្លាប់ឆ្លងកាត់ការប្រកួតជាង២០លើកមិនស្គាល់បរាជ័យរួមមាន Manchester United ២៤ប្រកួតកាលពីរដូវកាល២០១០-១១ និង Man City ២២ប្រកួតកាលពីរដូវកាល២០១៧-១៨។
ក្រុមដែលមិនធ្លាប់ស្គាល់ចាញ់ក្នុងលីគរួមមាន Preston North End ដែលទទួលបាននាបើករដូវកាល Football League នៅឆ្នាំ១៨៨៨-៨៩ ក្លិបអ៊ីតាលី AC Milan (១៩៩១-៩២), Juventus (២០១១-១២) និងក្លិបស្កុតឡែន Celtic (២០១៦-១៧)៕
© រក្សាសិទ្ធិដោយ thmeythmey.com