រដ្ឋាករទឹក នឹងផ្តាច់ទឹក ៤ម៉ោងនៅយប់ថ្ងៃទី២១មករា នៅសង្កាត់ទឹកថ្លា

ជាតិ

សង្គមជាតិ

រដ្ឋាករទឹក នឹងផ្តាច់ទឹក ៤ម៉ោងនៅយប់ថ្ងៃទី២១មករា នៅសង្កាត់ទឹកថ្លា

20, Jan 2019 , 8:59 am

រូបភាព

រូបភាពពីរដ្ឋាករទឹកស្វយ័តក្រុងភ្នំពេញ

ដោយ: ថ្មីៗ

ភ្នំពេញ៖ រដ្ឋាករទឹកស្វយ័តក្រុងភ្នំពេញ នឹងផ្អាកផ្គត់ផ្គង់ទឹកបណ្តោះអាសន្ននៅសង្កាត់ទឹកថ្លា ខណ្ឌសែនសុខ នៅយប់ថ្ងៃទី២១។ ការផ្អាកនេះ ដោយសារតែត្រូវដំឡើងនាឡិកាទឹកថ្មីទំហំ ១០០មម ចូលក្នុងបរិវេណអគារខុនដូ ARAKAWA។ នេះបើតាមសេចក្តីជូនដំណឹងរបស់រដ្ឋាករទឹកស្វយ័តក្រុងភ្នំពេញ។

បើយោងតាមសេចក្តីប្រកាសរបស់រដ្ឋាករទឹកស្វយ័តក្រុងភ្នំពេញ ការងារដំឡើងនាឡិកាទឹកថ្មីនេះ តម្រូវឲ្យរដ្ឋាករទឹកផ្អាកការផ្គត់ផ្គង់ទឹករយៈពេល៤ម៉ោង ចាប់ពីម៉ោង៨ ដល់ម៉ោង១២យប់ ដូច្នេះហើយ អាចនឹងធ្វើឲ្យទឹកល្អក់កករក្រោយពេលកាត់ភ្ជាប់បំពង់ទឹកថ្មីរួច។

រដ្ឋាករទឹកសូមឲ្យពលរដ្ឋ ស្ថាប័ន រោងចក្រ សហគ្រាស ដែលរស់នៅតំបន់នោះ ត្រូវត្រៀមបម្រុងទឹកសម្រាប់ប្រើប្រាស់ក្នុងអំឡុងពេលក្រុមការងារកំពុងដំឡើងនាឡិកាទឹកថ្មី៕