ចូលឆ្នាំចិន៖ អាជ្ញាធរត្រៀមឡានទឹកប្រមាណ២០គ្រឿង ដើម្បីអន្តរាគមន៍គ្រោះអគ្គិភ័យ

ជាតិ

សង្គមជាតិ

ចូលឆ្នាំចិន៖ អាជ្ញាធរត្រៀមឡានទឹកប្រមាណ២០គ្រឿង ដើម្បីអន្តរាគមន៍គ្រោះអគ្គិភ័យ

04, Feb 2019 , 8:30 am

រូបភាព

ដោយ: ថ្មីៗ

ភ្នំពេញ៖ អង្គភាពពន្លត់អគ្គីភ័យរាជធានីភ្នំពេញ បានត្រៀមឡានទឹកចំនួន២០គ្រឿងដើម្បីជួយអន្តរាគមន៍ និងទប់ស្កាត់ករណីគ្រោះអគ្គិភ័យដែលអាចកើតឡើងជាយថាហេតុ ក្នុងអំឡុងពេលបុណ្យចូលឆ្នាំចិន-វៀតណាម ដែលនឹងព្រឹត្តទៅនៅថ្ងៃទី៥ ដល់ថ្ងៃទី៧ ខែកុម្ភៈនេះ។ នេះបើតាមគេហទំព័រក្រសួងព័ត៌មាន ដែលបានបានស្រង់សម្តី លោក ព្រំ យ៉ត ប្រធានអង្គភាពនគរបាលពន្លត់អគ្គិភ័យរាជធានីភ្នំពេញ។

ប្រភពដដែល បានបន្តចុះផ្សាយសម្តី លោក ព្រំ យ៉ត ទៀតថា ឡានទឹកទាំង២០គ្រឿង នឹងដាក់ពង្រាយនៅតាមគោលដៅចំនួន៨ ក្នុងរាជធានីភ្នំពេញ ដោយមួយគោលដៅមាន រថយន្តពន្លត់អគ្គិភ័យ២គ្រឿងប្រចាំការ។

សូមបញ្ជាក់ថា នៅដើមឆ្នាំ២០១៩នេះ មានគ្រោះអគ្គិភ័ចំនួន១០ករណីហើយ បានកើតឡើងនៅរាជធានីភ្នំពេញ និងបានធ្វើឲ្យខូចខាតផ្ទះ,តូបផ្សារ និងបំផ្លាញទ្រព្យសម្បត្តិ របស់ប្រជាពលរដ្ឋអស់មួយចំនួនផងដែរ។ ដោយឡែកនៅក្នុងឆ្នាំ២០១៨ មានគ្រោះអគ្គិភ័យសរុបចំនួន៩៦ករណី កើតឡើងនៅភ្នំពេញ៕