កីឡាអន្តរជាតិ
អន្តរជាតិ
ក្រុមស្រាវជ្រាវអះអាងពីការរកឃើញបំណែកយន្តហោះដែលដឹកកីឡាករ Sala ទាំងក្រុម Nantes និង Cardiff តែងតែរៀបចំពិធីបួងសួងដល់ Emiliano Sala ។ រូបថត AFP
× បំណែកយន្តហោះដែលដឹកកីឡាករអាហ្សង់ទីន Emiliano Sala ត្រូវបានរកឃើញនៅកោះ Channel Islands ហើយ។ នេះបើតាមការអះអាងរបស់ភ្នាក់ងារស៊ើបអង្កេតគ្រោះថ្នាក់ផ្លូវអាកាស (AAIB) របស់អង់គ្លេស។
លោក David Mearns តំណាងម្នាក់របស់ AAIB ដែលបើកប្រតិបត្តិការស្រាវជ្រាវ បន្ទាប់ពីបានជំនួយជាលក្ខណៈឯកជន បានបញ្ជាក់ថា បំណែកយន្តហោះដែលដឹកកីឡាករ Sala និងមានលោក David Ibbotson ជាពីឡុត ត្រូវបានរកឃើញកាលពីព្រឹកថ្ងៃអាទិត្យ។
ខណៈដែលក្រុមស្រាវជ្រាវនៅតែបន្តប្រតិបត្តិការរបស់ខ្លួន ប៉ូលិសក៏បានបញ្ជូនដំណឹងពីការរកឃើញបំណែកយន្តហោះនេះ ទៅកាន់គ្រួសាររបស់កីឡាករ Sala និង លោក Ibbotson ផងដែរ។
យន្តហោះដែលដឹក Sala ក្នុងដំណើរពីក្រុង Nantes ទៅ Cardiff បានបាត់ខ្លួនកាលពីថ្ងៃទី២១ ខែមករា។ Sala អាយុ២៨ឆ្នាំ ទើបតែបញ្ចប់ការផ្ទេរពី Nantes នៃក្របខណ្ឌ Ligue 1 ដោយក្លាយជាកីឡាករតម្លៃខ្លួនខ្ពស់ជាងគេនៅ Cardiff នៅក្របខណ្ឌ Premier League ក្នុងតម្លៃប្រមាណ១៩លានដុល្លារអាមេរិក។
ទោះបីជាយ៉ាងណាក៏ដោយ ក្រុមអ្នកស្រាវជ្រាវ មិនហ៊ានសន្និដ្ឋានពីស្ថានភាពរបស់ Sala និងលោក Ibbotson ឡើយ។ ភ្នាក់ងារ AAIB បន្តការរុករកដោយសារតែបានជំនួយជាលក្ខណៈឯកជនពីសំណាក់បណ្តាកីឡាករនៅលើពិភពលោក ៕
© រក្សាសិទ្ធិដោយ thmeythmey.com