ជាតិ
សង្គមជាតិ
អភិបាលខេត្តព្រះសីហនុ គ្រោងចំណាយប្រាក់១០ម៉ឺនដុល្លារ ដើម្បីកសាងស្ពានដែកនៅផ្លូវជាតិលេខ៤ រូបភាពពីរដ្ឋបាលខេត្តព្រះសីហនុ
× ភ្នំពេញ៖ អភិបាលខេត្តព្រះសីហនុ លោក យន្ត មីន គ្រោងចំណាយទឹកប្រាក់ចំនួន១០ម៉ឺនដុល្លារអាមេរិក សម្រាប់កសាងស្ពានដែកឆ្លងផ្លូវនៅផ្លូវជាតិលេខ៤ ទល់មុខរោងចក្រញូស្តារ ដើម្បីជួយសម្រួលដល់ការធ្វើដំណើររបស់កម្មកររោងចក្រ។ លោក យន្ត មីន បានបញ្ជាឲ្យអ្នកជំនាញធ្វើការសិក្សាផ្លូវដែកនេះរួចហើយ មុននឹងគ្រោងសាងសង់នៅខែមីនាខាងមុខ។ នេះបើតាមរដ្ឋបាលខេត្តព្រះសីហនុ។
លោក ណុប ហេង ប្រធានមន្ទីរសាធារណៈការ និងដឹកជញ្ជូនខេត្តព្រះសីហនុ បានរៀបរាប់ថា ស្ពានដែកមួយខ្សែនេះ នឹងអាចជួយសម្រួលការកកស្ទះ និងហានិភ័យដល់កម្មកររោងចក្រ បានមួយកម្រិតដែរ។ លោក ក៏បានបញ្ជាក់ទៀតថា ផ្លូវដែកនេះ ក៏អាចអនុញ្ញាតឲ្យរថយន្តកុងតៃន័រ ឆ្លងកាត់ស្ពានដែកនេះបានផងដែរ។
បើយោងតាមរដ្ឋបាលខេត្តព្រះសីហនុ ស្ពានដែកឆ្លងកាត់ផ្លូវនេះ មានប្រវែង ២៤ម៉ែត្រ មានកម្ពស់៥,២ម៉ែត្រ និងមានទទឹង ២ម៉ែត្រ ដែលជាគំនិតផ្តួចផ្តើមរបស់អភិបាលខេត្តព្រះសីហនុ សម្រាប់ធានាសុវត្ថិភាពដល់កម្មករទាំងអស់៕
Tag:
ប្រាក់
ស្ពានដែក
ខេត្តព្រះសីហនុ
កម្មករ
© រក្សាសិទ្ធិដោយ thmeythmey.com