កីឡាជាតិ
ជាតិ
លោក ស សុខា រដ្ឋលេខាធិការក្រសួងអប់រំ យុវជន និងកីឡា
×![]()
ដោយ: ថ្មីៗ
លោក ស សុខា រដ្ឋលេខាធិការក្រសួងអប់រំ យុវជន និងកីឡា បានរំលឹកថ្នាក់ដឹកនាំមន្ទីរអប់រំយុវជន និងកីឡា រាជធានី ខេត្ត ទាក់ទងនឹងគោលការណ៍៦ចំណុងក្នុងការពង្រឹងវិស័យកីឡានៅកម្ពុជា ដោយចាប់ផ្តើមពីកម្រិតមូលដ្ឋាន។
រដ្ឋលេខាធិការរូបនេះ បានលើកឡើងពីគោលការណ៍ទាំង៦ នាពិធីបើកកិច្ចប្រជុំបូកសរុបការងារអនុវិស័យអប់រំកាយ និងកីឡាឆ្នាំ២០១៨ និងលើកទិសដៅឆ្នាំ២០១៩ ដែលរៀបចំនៅភោជនីយដ្ឋានទន្លេបាសាក់ II កាលពីថ្ងៃទី៤ ខែកុម្ភៈ។
គោលការណ៍ទាំងនោះរួមមាន៖
១. មន្ទីរត្រូវរៀបចំផែនការសកម្មភាពអោយបានគត់មុត។
២. សហការជាមួយសហព័ន្ធនានា ដើម្បីចុះបណ្ដុះបណ្ដាលជំនាញកីឡា។
៣. គ្រប់គ្រងវត្តមានគ្រូកីឡា និងការអនុវត្តម៉ោងកីឡាតាមសាលាឲ្យបានជាប់លាប់ និងជាក់លាក់។
៤. ធ្វើរបាយការណ៍ជូនក្រសួងអោយបានទៀងទាត់ ដើម្បីក្រសួងតាមដានការអនុវត្ត វាយតម្លៃ និងដាក់ទិសដៅប្រកបដោយប្រសិទ្ធភាព។
៥. រៀបចំការប្រកួតកីឡាគ្រប់ប្រភេទ ដើម្បីពង្រឹង ពង្រីកសមត្ថភាព គុណភាព និងត្រៀមខ្លួនធ្វើជាម្ចាស់ផ្ទះឆ្នាំ២០២៣។
៦. រួមគ្នាជាពហុវិស័យ ដើម្បីជំរុញការអភិវឌ្ឍវិស័យកីឡាទាំងថ្នាក់ខេត្ត ជាតិ និងអន្តរជាតិ៕
Tag:
ស សុខា
© រក្សាសិទ្ធិដោយ thmeythmey.com
