ពីនេះ ពីនោះ
រូបត្លុក
បញ្ហាដីធ្លីអាចកើនឡើងជាថ្មី ដោយសារសន្ទុះវិស័យអចលនទ្រព្យ ?
× ភ្នំពេញ៖ រយៈពេល២ឆ្នាំចុងក្រោយនេះ គេសង្កេតឃើញថា បញ្ហាតវ៉ាដីធ្លីបានស្ងប់ស្ងាត់ច្រើន ក្រោយមានការដោះស្រាយពីសំណាក់អាជ្ញាធរពាក់ព័ន្ធ ដែលអនុវត្តតាមអនុក្រឹត្យរដ្ឋាភិបាល និងសេចក្តីណែនាំរបស់រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោក ជា សុផារ៉ា។ ដ្បិតបញ្ហាដីធ្លីបានថមថយច្រើនក្តី ប៉ុន្តែគេក៏មិនអាចនិយាយបានថា វាជាជោគជ័យរបស់រដ្ឋាភិបាលក្នុងការដោះស្រាយបញ្ហាពលរដ្ឋនោះឡើយ។ នោះក៏ព្រោះតែបញ្ហាដីធ្លីអាចនឹងបន្តកើនឡើងជាថ្មីទៀត ដោយសារសន្ទុះវិស័យអចលនទ្រព្យ ដែលកំពុងផ្ទុះឡើងស្ទើរទូទាំងប្រទេសកម្ពុជា តាមរយៈការសម្រុកវិនិយោគពីពួកបរទេស។ ហើយតំបន់ណា ដែលមានការអភិវឌ្ឍខ្លាំង តំបន់នោះហើយ គឺជាសញ្ញានៃបញ្ហាដីធ្លីកើតឡើង ។
អ្នករកស៊ីវិស័យអចលនទ្រព្យ ឬអ្នកមាន រួមទាំងអំណាចទៀតនោះ សុទ្ធតែមានបំណងធំ គឺចង់បានផលចំណេញពីការរកស៊ីក្នុងវិស័យដីធ្លីនេះ ប៉ុន្តែក៏មិនត្រូវឲ្យអ្នកក្រ ឬអ្នកមានដីធ្លីនៅតំបន់អភិវឌ្ឍន៍នោះ រងគ្រោះដោយសារមហិច្ឆតារបស់ខ្លួននោះទេ។ ចំណុចនេះ គឺជាកត្តាចម្បងមួយ ដែលជំរុញឲ្យក្រសួង និងអាជ្ញាធរពាក់ព័ន្ធ តាមដានយកចិត្តទុកដាក់ទប់ស្កាត់ និងដោះស្រាយមុនបញ្ហាដីធ្លីផ្ទុះឡើងជាថ្មី៕
© រក្សាសិទ្ធិដោយ thmeythmey.com