អតីតមន្ត្រីជាន់ខ្ពស់CRNPម្នាក់ទៀត ទទួលបានសិទ្ធិធ្វើនយោបាយវិញ

ជាតិ

នយោបាយជាតិ

អតីតមន្ត្រីជាន់ខ្ពស់CRNPម្នាក់ទៀត ទទួលបានសិទ្ធិធ្វើនយោបាយវិញ

03, Mar 2019 , 12:24 pm

រូបភាព

លោក ស៊ឹម សុវណ្ណនី ហៅ ស៊ឹម វ៉ាន់នី អតីតសមាជិកគណៈកម្មាធិការនាយកគណបក្សសង្គ្រោះជាតិ ។ រូបពីគណនីហ្វេសប៊ុក ស៊ុម សីហា

ដោយ: ថ្មីៗ

ភ្នំពេញ៖ អតីតមន្ត្រីជាន់ខ្ពស់គណបក្សសង្គ្រោះជាតិ លោក ស៊ឹម សុវណ្ណនី ហៅ ស៊ឹម វ៉ាន់នី ទទួលបានសិទ្ធិធ្វើនយោបាយវិញ តាមរយៈព្រះរាជក្រឹត្យរបស់ព្រះមហាក្សត្រ ចុះថ្ងៃទី២ កុម្ភៈ។

លោក ស៊ឹម សុវណ្ណនី គឺជាអតីតសមាជិកគណៈកម្មាធិការនាយករបស់គណបក្សសង្គ្រោះជាតិ ដែលត្រូវបានតុលាការកំពូល ហាមឃាត់សកម្មភាពធ្វើនយោបាយរយៈពេល៥ឆ្នាំ កាលពីថ្ងៃទី១៦ វិច្ឆិកា ២០១៧កន្លងមក។ លោក ស៊ឹម សុវណ្ណនី ដែលទទួលបានសិទ្ធិធ្វើនយោបាយវិញនេះ គឺធ្វើឡើងបន្ទាប់ពីលោកដាក់ពាក្យស្នើសុំទៅរដ្ឋាភិបាល។

អត្ថបទទាក់ទង

លោក គង់ គាំ និង លោក គង់ បូរ៉ា ទទួលបានសិទ្ធិនយោបាយវិញហើយ

ក្រៅពីលោក ស៊ឹម សុវណ្ណនី ដែលទទួលបាននីតិសម្បទាធ្វើនយោបាយវិញនេះ ក៏មានលោក គង់ គាំ និងលោក គង់ បូរ៉ា ដែរ ។ពួកគេស្ថិតក្នុងចំណោមមនុស្ស១១៨នាក់របស់អតីតគណបក្សប្រឆាំង ដែលត្រូវបានតុលាការកំពូល ហាមឃាត់មិនឲ្យធ្វើនយោបាយ៕