ជាតិ
នយោបាយជាតិ
សម្ដេច ហ៊ុន សែន ប្រកាសជាថ្មីថា គ្មានផ្លូវចរចានយោបាយឡើយ
× ភ្នំពេញ៖ គ្មានឡើយផ្លូវចរចានយោបាយកើតឡើង។ នេះជាការប្រកាសជាថ្មីរបស់សម្ដេចនាយករដ្ឋមន្ត្រី ហ៊ុន សែន នៅក្នុងពិធីបើកការដ្ឋានសាងសង់សំណង់ផ្សេងៗ ក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤។
សម្ដេច ហ៊ុន សែន បានបញ្ជាក់ថា មូលហេតុដែលសម្ដេច មិនចរចានយោបាយនោះ ព្រោះវាស្ថិតនៅក្នុងដែនសមត្ថកិច្ចរបស់តុលាការ ដែលមានសិទ្ធិសម្រេចលើករណីជាប់ចោទរបស់អ្នកនយោបាយ។ «ខ្ញុំមិនចរចានយោបាយអ្វីឡើយ ព្រោះវាជាការសម្រេចរបស់តុលាការលើអ្នកទោសនយោបាយ និងអ្នកដែលកំពុងស្ថិតនៅក្នុងនីតិវិធីស៊ើបអង្កេតរបស់តុលាការ។ នេះជាសារនយោបាយ ជាក់លាក់»។ នេះជាការបញ្ជាក់របស់សម្ដេច ហ៊ុន សែន។
ក្រៅពីប្រកាសមិនចរចានេះហើយ នាយករដ្ឋមន្ត្រី ហ៊ុន សែន ក៏ព្រមានបិទច្រកសុំសិទ្ធិធ្វើនយោបាយវិញដែរ។ សម្រាប់អ្នកនយោបាយបក្សប្រឆាំង ដែលត្រូវបានតុលាការកំពូលហាមសិទ្ធិនយោបាយ៥ឆ្នាំនោះ អាចមានឱកាសសុំនីតិសម្បទានយោបាយឡើងវិញ យ៉ាងយូរត្រឹមចូលឆ្នាំខ្មែរហើយ។ នេះបើតាមប្រមុខរដ្ឋាភិបាល៕
© រក្សាសិទ្ធិដោយ thmeythmey.com