អន្តរជាតិ
ឥណ្ឌា នឹងជួលនាវាមុជទឹកដើរដោយថាមពលនុយក្លេអ៊ែរពីរុស្ស៊ីក្នុងតម្លៃ៣ពាន់លានដុល្លារ
រូបភាពពី AFP
×![]()
ឥណ្ឌានិងរុស្ស៊ី គ្រោងបញ្ចប់កិច្ចព្រមព្រៀងអន្តររដ្ឋាភិបាលមួយស្តីពីកិច្ចសន្យាជួលនាវាមុជទឹកដើរដោយថាមពលនុយក្លេអ៊ែរសម្រាប់រយៈពេល១០ឆ្នាំ។ កិច្ចព្រមព្រៀងដែលគេប៉ាន់ស្មាន់ថាមានតម្លៃ៣ពាន់លានដុល្លារនេះ ទំនងជានឹងត្រូវភាគីទាំងពីរចុះហត្ថលេខានៅថ្ងៃទី៧ ខែមីនាខាងមុខ។
កិច្ចសន្យាជួលនាវាមុជទឹកប្រភេទ Akula ដែលគេស្គាល់ថា Chakra III នឹងក្លាយជាកិច្ចព្រមព្រៀងដ៏ធំបំផុតមួយជាមួយក្រុងម៉ូស្គូ ចាប់តាំងពីកិច្ចព្រមព្រៀងទិញប្រព័ន្ធខែលមីស៊ីល S-400 តម្លៃ ៥,៥ពាន់លានដុល្លារ។ កិច្ចព្រមព្រៀងនេះ ត្រូវបានបញ្ចប់កាលពីឆ្នាំមុន អំឡុងទស្សនកិច្ចរបស់មេដឹកនាំរុស្ស៊ី វ្លាឌីមៀ ពូទីន នៅទីក្រុងញូវដេលី។
បើតាមប្រភពរដ្ឋាភិបាលឥណ្ឌា នាវាមុជទឹកដើរដោយថាមពលនុយក្លេអ៊ែរប្រភេទថ្មីនេះ នឹងអាចរួចរាល់សម្រាប់ដាក់ដំណើរការបាននាឆ្នាំ២០២៥។ ហើយវានឹងត្រូវយកទៅប្រើប្រាស់ជំនួសនាវាមុជទឹក Chakra II ដែលឥណ្ឌាទទួលបានពីរុស្ស៊ីកាលពីឆ្នាំ២០១២កន្លងទៅ។ យោងតាមការចុះផ្សាយរបស់សារព័ត៌មាន The Economic Times កិច្ចសន្យាជួលនាវាមុជទឹក Chakra II ដែលនឹងអស់សុពលភាពក្នុងឆ្នាំ២០២២ អាចនឹងត្រូវអូសបន្លាយពេលដល់៥ឆ្នាំបន្ថែមទៀត ពោលគឺរហូតដល់នាវាមុជទឹកថ្មីត្រូវបានសាកល្បងដោយជោគជ័យ។
ទាក់ទិននឹងគុណសម្បត្តិរបស់នាវាមុជទឹកដើរដោយថាមពលនុយក្លេអ៊ែរ ដែលមានប្រដាប់ដោយអាវុធនេះ វានឹងជួយពង្រីកសមត្ថភាពផ្នែកវាយប្រយុទ្ធរបស់កងទ័ពជើងទឹកឥណ្ឌា។ នាវាចម្បាំងប្រភេទនេះអាចមុជក្នុងទឹកបានរយៈពេលជាច្រើនខែ ដែលអាចធ្វើឲ្យវាគេចផុតពីការតាមចាប់របស់រ៉ាដាសត្រូវ។ មួយវិញទៀត វាត្រូវបានគេចាត់ទុកថា គឺជាការគំរាមកំហែងដ៏ធំមួយផងដែរសម្រាប់នាវាចម្បាំងរបស់សត្រូវក្នុងតំបន់។
សូមបញ្ជាក់ថា ការចរចាលើកិច្ចសន្យាជួលនាវាមុជទឹក Chakra III បានចាប់ផ្តើមចាប់តាំងពីឆ្នាំ២០១៣មកម្ល៉េះ។ ក្រោយមកវាត្រូវផ្តល់សន្ទុះក្នុងឆ្នាំ២០១៥ នៅពេលភាគីទាំងសងខាងផ្តួចផ្តើមកិច្ចពិភាក្សាពីតម្លៃនិងបច្ចេកទេស ក្នុងគោលដៅឈានដល់បញ្ចប់កិច្ចព្រមព្រៀងអន្តររដ្ឋាភិបាលនេះ។
មែនទែនទៅ នេះនឹងក្លាយជានាវាមុជទឹកដើរដោយថាមពលនុយក្លេអ៊ែរទីបី ដែលបើកប្រតិបត្តិការដោយឥណ្ឌា ពោលគឺចាប់ផ្តើមពីឆ្នាំ១៩៨៨ នៅពេលដែលនាវា Chakra I បានដឹកមកដល់ឥណ្ឌាសម្រាប់កិច្ចសន្យាជួលរយៈពេល៣ឆ្នាំ។ ចំណែកកិច្ចសន្យាជួលលើកទីពីរ ដែលមានឈ្មោះថា Chakra II ត្រូវបានចុះហត្ថលេខាក្នុងឆ្នាំ២០១២ សម្រាប់ការជួលរយៈពេល ១០ឆ្នាំ៕
កិច្ចសន្យាជួលនាវាមុជទឹកប្រភេទ Akula ដែលគេស្គាល់ថា Chakra III នឹងក្លាយជាកិច្ចព្រមព្រៀងដ៏ធំបំផុតមួយជាមួយក្រុងម៉ូស្គូ ចាប់តាំងពីកិច្ចព្រមព្រៀងទិញប្រព័ន្ធខែលមីស៊ីល S-400 តម្លៃ ៥,៥ពាន់លានដុល្លារ។ កិច្ចព្រមព្រៀងនេះ ត្រូវបានបញ្ចប់កាលពីឆ្នាំមុន អំឡុងទស្សនកិច្ចរបស់មេដឹកនាំរុស្ស៊ី វ្លាឌីមៀ ពូទីន នៅទីក្រុងញូវដេលី។
បើតាមប្រភពរដ្ឋាភិបាលឥណ្ឌា នាវាមុជទឹកដើរដោយថាមពលនុយក្លេអ៊ែរប្រភេទថ្មីនេះ នឹងអាចរួចរាល់សម្រាប់ដាក់ដំណើរការបាននាឆ្នាំ២០២៥។ ហើយវានឹងត្រូវយកទៅប្រើប្រាស់ជំនួសនាវាមុជទឹក Chakra II ដែលឥណ្ឌាទទួលបានពីរុស្ស៊ីកាលពីឆ្នាំ២០១២កន្លងទៅ។ យោងតាមការចុះផ្សាយរបស់សារព័ត៌មាន The Economic Times កិច្ចសន្យាជួលនាវាមុជទឹក Chakra II ដែលនឹងអស់សុពលភាពក្នុងឆ្នាំ២០២២ អាចនឹងត្រូវអូសបន្លាយពេលដល់៥ឆ្នាំបន្ថែមទៀត ពោលគឺរហូតដល់នាវាមុជទឹកថ្មីត្រូវបានសាកល្បងដោយជោគជ័យ។
ទាក់ទិននឹងគុណសម្បត្តិរបស់នាវាមុជទឹកដើរដោយថាមពលនុយក្លេអ៊ែរ ដែលមានប្រដាប់ដោយអាវុធនេះ វានឹងជួយពង្រីកសមត្ថភាពផ្នែកវាយប្រយុទ្ធរបស់កងទ័ពជើងទឹកឥណ្ឌា។ នាវាចម្បាំងប្រភេទនេះអាចមុជក្នុងទឹកបានរយៈពេលជាច្រើនខែ ដែលអាចធ្វើឲ្យវាគេចផុតពីការតាមចាប់របស់រ៉ាដាសត្រូវ។ មួយវិញទៀត វាត្រូវបានគេចាត់ទុកថា គឺជាការគំរាមកំហែងដ៏ធំមួយផងដែរសម្រាប់នាវាចម្បាំងរបស់សត្រូវក្នុងតំបន់។
សូមបញ្ជាក់ថា ការចរចាលើកិច្ចសន្យាជួលនាវាមុជទឹក Chakra III បានចាប់ផ្តើមចាប់តាំងពីឆ្នាំ២០១៣មកម្ល៉េះ។ ក្រោយមកវាត្រូវផ្តល់សន្ទុះក្នុងឆ្នាំ២០១៥ នៅពេលភាគីទាំងសងខាងផ្តួចផ្តើមកិច្ចពិភាក្សាពីតម្លៃនិងបច្ចេកទេស ក្នុងគោលដៅឈានដល់បញ្ចប់កិច្ចព្រមព្រៀងអន្តររដ្ឋាភិបាលនេះ។
មែនទែនទៅ នេះនឹងក្លាយជានាវាមុជទឹកដើរដោយថាមពលនុយក្លេអ៊ែរទីបី ដែលបើកប្រតិបត្តិការដោយឥណ្ឌា ពោលគឺចាប់ផ្តើមពីឆ្នាំ១៩៨៨ នៅពេលដែលនាវា Chakra I បានដឹកមកដល់ឥណ្ឌាសម្រាប់កិច្ចសន្យាជួលរយៈពេល៣ឆ្នាំ។ ចំណែកកិច្ចសន្យាជួលលើកទីពីរ ដែលមានឈ្មោះថា Chakra II ត្រូវបានចុះហត្ថលេខាក្នុងឆ្នាំ២០១២ សម្រាប់ការជួលរយៈពេល ១០ឆ្នាំ៕
Tag:
រុស្ស៊ី
ឥណ្ឌា
© រក្សាសិទ្ធិដោយ thmeythmey.com
