កីឡាអន្តរជាតិ
អន្តរជាតិ
Tadic ៖ ក្រោយមើលវីដេអូឃ្លីបរបស់ Zidane ទើបខ្ញុំលេងបានល្អ ដើម្បីជួយ Ajax ទម្លាក់ Real
×![]()
ដោយ: ទេព ពិទូរ្យ
ខ្សែបម្រើ Dusan Tadic ថា Zinedine Zidane បានជួយជំរុញខ្លួន ក្នុងការបង្ហាញទម្រង់លេងដ៏អស្ចារ្យ នាការប្រកួតដែល Ajax ទម្លាក់ម្ចាស់ការពារតំណែងជើងឯក Real Madrid នៅវគ្គ១៦ក្រុម នៃជំនួបជើងទី២ ដើម្បីឈានទៅកាន់វគ្គ១/៤ផ្តាច់ព្រ័ត្រពានរង្វាន់ UEFA Champions League នៅរាត្រីថ្ងៃទី៥ ខែមីនា។ 
ខ្សែបម្រើសញ្ជាតិស៊ែប៊ី វ័យ៣០ឆ្នាំរូបនេះ ជាអ្នកបញ្ជូនបាល់យ៉ាងល្អ (Assists) ទៅឲ្យមិត្តរួមក្រុម Hakim Ziyech និង David Neres សម្រេចទីម្នាក់១គ្រាប់ និងថែមទាំងស៊ុតខ្លួនឯងមួយគ្រាប់ទៀតក្នុងជ័យជម្នះ ៤-១ លើម្ចាស់ផ្ទះ Real នៅទឹកដី Bernabeu។
Tadic បានប្រាប់ក្រុមអ្នកយកព័ត៌មានក្រោយការប្រកួតនោះថា៖«នេះប្រហែលជាការប្រកួតដ៏ល្អបំផុតសម្រាប់ខ្ញុំក្នុងវិស័យកីឡាបាល់ទាត់ដែលខ្ញុំធ្លាប់លេងពីមុនមក។ យើងបានទម្លាក់ក្រុមល្អបំផុតលើលោក។ ខ្ញុំមានមោទកភាពណាស់ ហើយខ្ញុំគិតថាយើងបានធ្វើឲ្យមនុស្សជាច្រើនសប្បាយចិត្តនៅរាត្រីនេះ»។
អតីតសមាជិកក្រុម Southampton ដែលផ្លាស់ទៅក្រុមនៅហូឡង់ Ajax កាលពីឆ្នាំមុន បានបង្ហាញទម្រង់លេងលេចធ្លោបំផុត ជាមួយនឹងការគ្រប់គ្រងបាល់ស្ទើរទាំងស្រុងលើទីលាន។ សម្ថភាពរបស់ Tadic បានគ្របដណ្តប់លើខ្សែបម្រើឆ្នើមៗរបស់ Real ដូចជា Toni Kroos, Luka Modric និង Casemiro ផងដែរ។
ត្រង់ចំនុចនេះTadic រៀបរាប់ថាខ្លួនបានយកគំរូតាមវីរបុរសបារាំង និង Real Madrid លោក Zinedine Zidane។ «Zidane គឺជាកីឡាករបាល់ទាត់ដែលខ្ញុំចូលចិត្តបំផុត ហើយប្រហែលជាខ្ញុំបានមើលវីដេអូឃ្លីបការប្រកួតជាច្រើនរបស់គាត់ហើយទើបខ្ញុំអាចធ្វើបានបែបនេះ»។
អ្វីដែលរឹតតែអស្ចារ្យនោះ គឺគ្រាប់បាល់ទី២របស់ Ajax កើតឡើងដោយសារ Tadic ប្រើស្ទីលញាក់របស់ Zidane (Roulette Skill) តែម្តង ហើយក៏បញ្ជូនបាល់ឲ្យដៃគូសម្រេចទី។
សរុបលទ្ធផលការប្រកួតទាំងពីរជើង Ajax ឈ្នះ Real Madrid ៥-៣។ Ajax បានអាចឆ្លងផុតវគ្គ១៦ក្រុមចុងក្រោយក្នុងក្របខណ្ឌកំពូលអឺរ៉ុបនេះ ជាលើកដំបូងចាប់តាំងពីរដូវកាល ២០០២-២០០៣ មក៕
ខ្សែបម្រើសញ្ជាតិស៊ែប៊ី វ័យ៣០ឆ្នាំរូបនេះ ជាអ្នកបញ្ជូនបាល់យ៉ាងល្អ (Assists) ទៅឲ្យមិត្តរួមក្រុម Hakim Ziyech និង David Neres សម្រេចទីម្នាក់១គ្រាប់ និងថែមទាំងស៊ុតខ្លួនឯងមួយគ្រាប់ទៀតក្នុងជ័យជម្នះ ៤-១ លើម្ចាស់ផ្ទះ Real នៅទឹកដី Bernabeu។
Tadic បានប្រាប់ក្រុមអ្នកយកព័ត៌មានក្រោយការប្រកួតនោះថា៖«នេះប្រហែលជាការប្រកួតដ៏ល្អបំផុតសម្រាប់ខ្ញុំក្នុងវិស័យកីឡាបាល់ទាត់ដែលខ្ញុំធ្លាប់លេងពីមុនមក។ យើងបានទម្លាក់ក្រុមល្អបំផុតលើលោក។ ខ្ញុំមានមោទកភាពណាស់ ហើយខ្ញុំគិតថាយើងបានធ្វើឲ្យមនុស្សជាច្រើនសប្បាយចិត្តនៅរាត្រីនេះ»។
អតីតសមាជិកក្រុម Southampton ដែលផ្លាស់ទៅក្រុមនៅហូឡង់ Ajax កាលពីឆ្នាំមុន បានបង្ហាញទម្រង់លេងលេចធ្លោបំផុត ជាមួយនឹងការគ្រប់គ្រងបាល់ស្ទើរទាំងស្រុងលើទីលាន។ សម្ថភាពរបស់ Tadic បានគ្របដណ្តប់លើខ្សែបម្រើឆ្នើមៗរបស់ Real ដូចជា Toni Kroos, Luka Modric និង Casemiro ផងដែរ។
ត្រង់ចំនុចនេះTadic រៀបរាប់ថាខ្លួនបានយកគំរូតាមវីរបុរសបារាំង និង Real Madrid លោក Zinedine Zidane។ «Zidane គឺជាកីឡាករបាល់ទាត់ដែលខ្ញុំចូលចិត្តបំផុត ហើយប្រហែលជាខ្ញុំបានមើលវីដេអូឃ្លីបការប្រកួតជាច្រើនរបស់គាត់ហើយទើបខ្ញុំអាចធ្វើបានបែបនេះ»។
អ្វីដែលរឹតតែអស្ចារ្យនោះ គឺគ្រាប់បាល់ទី២របស់ Ajax កើតឡើងដោយសារ Tadic ប្រើស្ទីលញាក់របស់ Zidane (Roulette Skill) តែម្តង ហើយក៏បញ្ជូនបាល់ឲ្យដៃគូសម្រេចទី។
សរុបលទ្ធផលការប្រកួតទាំងពីរជើង Ajax ឈ្នះ Real Madrid ៥-៣។ Ajax បានអាចឆ្លងផុតវគ្គ១៦ក្រុមចុងក្រោយក្នុងក្របខណ្ឌកំពូលអឺរ៉ុបនេះ ជាលើកដំបូងចាប់តាំងពីរដូវកាល ២០០២-២០០៣ មក៕
Tag:
បាល់ទាត់
Dusan Tadic
UEFA Champions League
Ajax
© រក្សាសិទ្ធិដោយ thmeythmey.com
