ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អចលនទ្រព្យ
អត្ថបទពាណិជ្ជកម្ម
តំបន់មាត់ទន្លេក្នុងទីក្រុងភ្នំពេញ ត្រូវការគម្រោងអគារខ្ពស់ៗបន្ថែមទៀត
06, Mar 2019 ,
4:12 pm
រូបភាព
×
ដោយ:
ថ្មីៗ
រាជធានីភ្នំពេញ គឺជាទីក្រុងដែលព័ទ្ធជុំវិញដោយទឹក។ ភ្នំពេញស្ថិតនៅចំចំណុចប្រសព្វ រវាងទន្លេ៤មុខកាត់គ្នា ក្នុងនោះមានដូចជា៖ ទន្លេសាប ទន្លេមេគង្គលើ ទន្លេមេគង្គក្រោម និងទន្លេបាសាក់។ កត្តានេះ បានធ្វើឲ្យតំបន់តាមដងទន្លេ មានលក្ខណៈពិសេសបំផុត សម្រាប់សំណង់អគារខ្ពស់ៗ ប៉ុន្តែបច្ចុប្បន្ន តំបន់មាត់ទន្លេនៅមានការសាងសង់តិចតួចនៅឡើយ ហើយដីមួយផ្នែកធំនៅជាដីទំនេរ។
គម្រោងធំៗមួយចំនួន នៅតាមតំបន់មាត់ទន្លេ បានកំពុងដំណើរការសាងសង់ និងខ្លះទៀតស្ថិតនៅក្នុងផែនការសាងសង់។ ប៉ុន្តែទោះយ៉ាងណាក៏ដោយ តំបន់ទាំងនេះនៅមិនទាន់មានការវិនិយោគធំៗ និងប្រភេទអគារខ្ពស់ៗច្រើននៅឡើយ ដែលនេះគឺផ្ទុយពីតំបន់កណ្តាលក្រុងដូចជាសង្កាត់បឹងកេងកង១ និងខណ្ឌទួលគោក ដែលមានគម្រោងអភិវឌ្ឍន៍ខ្ពស់ៗជាច្រើនទាំងប្រភេទលំនៅដ្ឋាន និងពាណិជ្ជកម្ម។
ប៉ុន្តែតំបន់កោះពេជ្រ អាចជាករណីលើកលែងមួយ។ កោះពេជ្រ មានភាពរីកចម្រើនគួរឲ្យកត់សម្គាល់ ក្នុងរយៈពេលប៉ុន្មានឆ្នាំចុងក្រោយនេះ។ ជាមួយគ្នានេះ តំបន់មាត់ទន្លេផ្សេងទៀតដូចជា ជ្រោយចង្វារ កោះនរា និងអរិយក្សត្រ នឹងអាចក្លាយជាតំបន់រីកចម្រើននៅពេលអនាគត។
លោក ស៊ន សៀប ដែលជាស្ថាបនិក និងជានាយកប្រតិបត្តិរបស់ក្រុមហ៊ុន ឃី រៀល អ៊ីស្ទេត បាននិយាយថា ទីក្រុងភ្នំពេញមានទីតាំងល្អបំផុត ភ្ជាប់មកជាមួយនឹងទន្លេបួនមុខ។ លោកបាន អះអាងថា ទីតាំងទាំងនេះគឺល្អឥតខ្ចោះសម្រាប់ការអភិវឌ្ឍគម្រោងអគារខ្ពស់ៗ។ លោក សៀប បានបន្ថែមទៀតថា អ្នកអភិវឌ្ឍន៍បានចាប់ផ្តើមសាងសង់គម្រោងអគារខ្ពស់ៗ នៅតាមដងទន្លេ សាប និងទន្លេបាសាក់ ខណៈដែលដីនៅតាមដងទន្លេមេគង្គលើ និងមេគង្គក្រោម មិនទាន់មានការអភិវឌ្ឍនៅឡើយ។
លោក សៀប បានបញ្ជាក់ដែរថា៖«កោះពេជ្រ និងជ្រោយចង្វារ កំពុងមានសកម្មភាពសាងសង់ច្រើន។ អ្នកអភិវឌ្ឍន៍មានបំណងកែប្រែតំបន់ទាំងនេះ ឲ្យទៅជាតំបន់លំនៅដ្ឋានខ្ពស់ប្រកបដោយលក្ខណៈប្រណិត។ ចំណែកតំបន់ភូមិកោះនរា និងអរិយក្សត្រ ត្រូវរង់ចាំគម្រោងអភិវឌ្ឍន៍ធំៗ បោះទុនវិនិយោគនៅពេលអនាគត»។
តំបន់កោះនរា ស្ថិតនៅជិតកោះពេជ្រ ដែលស្ថិតនៅខណ្ឌចែកគ្នាដោយទន្លេបាសាក់ និងទន្លេមេគង្គ។ រីឯតំបន់អរិយក្សត្រវិញ ស្ថិតនៅតាមបណ្តោយច្រាំងទន្លេមេគង្គ ប៉ែកខាងកើតនៃទីក្រុង នៅក្នុងខេត្តកណ្តាល។
«ការអភិវឌ្ឍនៅតំបន់កោះនរា និងអរិយក្សត្រ អាចនឹងត្រូវចំណាយរយៈពេលមធ្យមទៅរយៈពេលវែងពី៥ទៅ១០ឆ្នាំទៀត។ តំបន់នេះ ត្រូវការហេដ្ឋារចនាសម្ព័ន្ធ ចាំបាច់ជាច្រើនទៀតដូចជាស្ពានជាដើម។ នៅពេលមានស្ពាន វានឹងនាំជំរុញការអភិវឌ្ឍវិស័យអចលនទ្រព្យបន្ថែមទៀត»។ នេះជាការបញ្ជាក់របស់ លោក សៀប។
ថ្មីៗនេះ ក្រុមហ៊ុន OCIC បានអះអាងថា ក្រុមហ៊ុននេះគ្រោងនឹងអភិវឌ្ឍទីក្រុងរណបថ្មីមួយទៀត ទំហំជាង១០០ហិកតា លាតសន្ធឹងពីកោះនរា ដល់កៀនស្វាយ។ គម្រោងនេះ នឹងត្រូវអភិវឌ្ឍស្រដៀងគ្នា ទៅនឹងការភិវឌ្ឍនៅកោះពេជ្រ។ នេះបើយោងតាមសារព័ត៌មាន Fresh News។
លោក តេង រិទ្ធី ជាស្ថាបនិក និងជាប្រធានក្រុមហ៊ុន R'Investment Group បានអះអាងថា ភាគច្រើននៃតំបន់នៅតាមបណ្តោយដងទន្លេ ត្រូវបានគេកំណត់រួចរាល់ សម្រាប់ការសាងសង់អគារកម្ពស់ខ្ពស់ និងមធ្យមនៅពេលខាងមុខ។
លោក រិទ្ធី បាននិយាយថាវត្តមានរបស់គម្រោង OCIC តាមបណ្តោយច្រាំងទន្លេ នៅច្បារអំពៅនឹងធ្វើឲ្យតំបន់ទាំងមូល កាន់តែមានភាពទាក់ទាញ។ លោកបានបន្តទៀតថា វិនិយោគិនជាច្រើន បានសំឡឹងឃើញពីសក្តានុពលរបស់តំបន់នេះរួចទៅហើយ។
លោក រិទ្ធី បានបញ្ជាក់ថា៖«ការអភិវឌ្ឍទីក្រុងភ្នំពេញ គឺស្រដៀងគ្នាទៅនឹងការអភិវឌ្ឍទីក្រុងបាងកក ឬការអភិវឌ្ឍទីក្រុងនៅក្នុងប្រទេសកូរ៉េខាងត្បូង ក្នុងទសវត្សរ៍ឆ្នាំ១៩៧០»។ លោកបាននិយាយថា វាមានភាពសមហេតុផល ក្នុងការសន្មត់ថា រាជធានីភ្នំពេញ នឹងពង្រីកទៅផ្នែកម្ខាងទៀត [ខាងកើត] នៃទន្លេនៅក្នុងរយៈពេលប៉ុន្មានឆ្នាំខាងមុខ ជាពិសេសនៅពេលមានការអភិវឌ្ឍពេញលេញនៅ ផ្នែកខាងលិចនៃទន្លេ។
ដូចគ្នានឹងលោក ស៊ន សៀប ដែរ លោក រិទ្ធី ជឿថាហេដ្ឋារចនាសម្ព័ន្ធជាមូលដ្ឋាន គឺចាំបាច់ត្រូវផ្តល់ដោយរដ្ឋាភិបាលដើម្បីលើកទឹកចិត្តដល់វិនិយោគិន។
បើពិនិត្យអោយស៊ីជម្រៅអំពីសក្តានុពលនៅតំបន់ជ្រោយចង្វារ លោក James Hewson ប្រធានផ្នែកស្រាវជ្រាវ និងប្រឹក្សាយោបល់របស់ក្រុមហ៊ុន CBRE Cambodia បាននិយាយថា តំបន់នេះមានសក្តានុពលខ្លាំង។ លោកបានបញ្ជាក់ថា ដីនៅតំបន់ជ្រោយចង្វារ មានតម្លៃសមរម្យ និងនៅទំនេរច្រើន និងថែមទាំងនៅជិតតំបន់កណ្តាលក្រុងទៀតផង។
លោក Hewson បញ្ជាក់ថា៖«គម្រោង OCIC ដែលមានទំហំជាង ៣០០ហិកតា ស្ថិតនៅតំបន់ជ្រោយចង្វារ នឹងត្រូវបង្កើតជាគម្រោងអភិឌ្ឍន៍ចម្រុះ ដែលមានអគារខ្ពស់ៗជាច្រើន។ ចំណែកនៅតាមបណ្តោយ ផ្លូវជាតិលេខ ៦A វិញ ក៏មានឱកាសវិនិយោគជាច្រើនសម្រាប់អគារលំនៅដ្ឋានខ្ពស់ផងដែរ»។
ពាក់ព័ន្ធនឹងតម្លៃដី លោក សៀប បាន បង្ហាញតម្លៃដីផ្សេងៗគ្នា នៅតាមតំបន់មាត់ទន្លេ។ លោកថា កោះពេជ្រមានតម្លៃដីថ្លៃជាងគេ ដោយដីនៅទីនេះមានតម្លៃពី៣,៥០០ដុល្លារទៅ ៥,០០០ ដុល្លារ/ម៉ែត្រការ៉េ។ ចំណែកដីនៅជ្រោយចង្វារអាចមានតម្លៃចាប់ពី៧០០ ទៅ ២,០០០ដុល្លារ/ម៉ែត្រការ៉េ។
បច្ចុប្បន្ន ដីនៅកោះនរា មានតម្លៃចាប់ពី៥០០ ដុល្លារដល់ ១,០០០ ដុល្លារ/ម៉ែត្រការ៉េ រីឯអរិយក្សត្រជាតំបន់ ដែលមានតម្លៃទាបជាងគេ គឺមានតម្លៃក្រោម ៥០០ ដុល្លារ ក្នុងមួយម៉ែត្រការ៉េ។លោក រិទ្ធី បន្តដោយជឿជាក់ថា៖«ក្នុងរយៈពេលប្រាំឆ្នាំទៀតអគារខ្ពស់ៗជាច្រើន នឹងត្រូវបានអភិវឌ្ឍឡើងនៅតំបន់ទាំងនេះ ហើយច្រាំងទន្លេក្នុងរាជធានីភ្នំពេញ នឹងប្រែក្លាយជាទីក្រុងទំនើប»៕
ប្រភព៖
realestate.com.kh!
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
Your browser does not support iframes.
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
1 សប្តាហ៍
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
8 ម៉ោង
«នាំអាត» និង«នាំអាទិ៍»មួយណាត្រឹមត្រូវ?
4 ថ្ងៃ
អ្នកស្រី ឯម សិរីវុទ្ធី ចេញដំណើរពីស្វាយរៀងម៉ោង៣ទៀបភ្លឺ ជូនកូនមកប្រឡងគ្រូនៅភ្នំពេញ
1 សប្តាហ៍
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
2 ថ្ងៃ
អត្ថបទពេញនិយមបន្ថែម