អត្ថបទពាណិជ្ជកម្ម
កម្មវិធីទូរសព្ទដៃ«ទន្លេសាប»ជួយដោះស្រាយបញ្ហាដំណាំកសិកម្មដល់កសិករ ហើយពួកគាត់អាចសួរយោបល់ពីអ្នកជំនាញដោយផ្ទាល់
×![]()
ដោយ: ថ្មីៗ
ដំណាំកសិកម្មមានបញ្ហាសត្វល្អិត, បញ្ហាជី, បញ្ហាដី និងបញ្ហាផ្សេងៗទៀត គឺជារឿងដ៏ស្មុគស្មាញរបស់កសិករទាំងអស់។ ដូច្នេះកសិករត្រូវការជាចាំបាច់ការពិភាក្សា និងការផ្តល់យោបល់ពីអ្នកជំនាញ។ ប៉ុន្តែបញ្ហានៅត្រង់ថា ពួកគាត់មិនដឹងថាត្រូវទៅរកអ្នកជំនាញនៅឯណា? ដំណោះស្រាយនោះគឺ កម្មវិធីទូរសព្ទមួយដែលមានឈ្មោះថា «ទន្លេសាប» ដែលជាកម្មវិធីផលិតឡើងដោយគ្រឹះស្ថាន ហិរញ្ញវត្ថុ អេ អឹម ខេ។
កម្មវិធីទូរសព្ទ«ទន្លេសាប» បង្កើតឡើងក្នុងគោលដៅផ្ដល់ចំណេះដឹងដល់កសិករពីបច្ចេកទេស ព័ត៌មានទីផ្សារកសិកម្ម ផ្តល់គន្លឹះសំខាន់ៗក្នុងការដាំដំណាំ ស្វែងរកសម្ភារកសិកម្ម និងចិញ្ចឹមសត្វឱ្យកាន់តែប្រសើរឡើង និងឱកាសពង្រីកអាជីវកម្មផងដែរ។
ក្នុងកម្មវីធីដ៏មានប្រយោជន៍មួយនេះ វាមានការបែកចែកទៅតាមមុខដំណាំផ្សេងៗ ដើម្បីឲ្យអ្នកប្រើប្រាស់កម្មវិធីងាយស្រួលអាន ក្នុងនោះវាមានផ្នែកមួយមានឈ្មោះថា «បញ្ហា» ហើយនៅក្នុងផ្នែកបញ្ហា វានឹងបង្ហាញនូវបញ្ហាផ្សេងៗដែលកំពុងជួបនៅលើមុខដំណាំ ដែលអ្នកចុចអាន។ កាន់តែពិសេសនោះ កម្មវិធីមួយនេះ នឹងបង្ហាញនូវផលិតផលដែលត្រឹមត្រូវ ដើម្បីឲ្យយកមកដោះស្រាយនូវបញ្ហាដែលអ្នកកំពុងជួប។
តោះមកមើលវីដេអូណែនាំអំពីការប្រើប្រាស់កម្មវិធីទន្លេសាប ក្នុងចូលទៅផ្នែក «បញ្ហា» ទាំងអស់គ្នា។
សូមរំឭកថា កម្មវិធីទូរសព្ទដៃ «ទន្លេសាប» ត្រូវបានផ្តួចផ្តើម និងបង្កើតឡើង ដោយគ្រឹះស្ថានមីក្រូហិរញ្ញវត្ថុ អេ អឹម ខេ ក្រោមកិច្ចសហប្រតិបត្តិការជាមួយក្រសួងកសិកម្ម រុក្ខាប្រមាញ់ និងនេសាទ និងគាំទ្រសហការមូលនិធិដោយគ្រឹះស្ថានមីក្រូហិរញ្ញវត្ថុ អេ អឹម ខេ គម្រោងមូលនិធិការបង្កើតថ្មីសម្រាប់កាត់បន្ថយភាពក្រីក្រ (IAP) ដែលសហការអនុវត្តរួមគ្នាដោយ Sida, SNV, IBSweden និង BoPInc និងគម្រោងហាវែស II នៃទីភ្នាក់ងារជំនួយអាមេរិក USAID ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
