​បើ​យោងតាម​ប្រព័ន្ធ​ផ្សព្វផ្សាយ​អាល្លឺម៉ង់ ZDF លោក Infantino ចង់​ពិភាក្សា​អំពី​ការពង្រីក​ការប្រកួត Club World Cup បច្ចុប្បន្ន​ដែលមាន​៧​ក្រុម ឲ្យ​កើន​ដល់​២៤​ក្រុម ដោយ​ក្នុងនោះ​មាន​១២​ក្រុម​ពី​ទ្វីបអឺរ៉ុប​។​

 

​ប្រធាន FIFA សញ្ជាតិ​ស្វ៊ី​សរូប​នេះ​ក៏មាន​បំណង​ចង់​លុបចោល​ការប្រកួត​ពានរ​ង្វាន់ Confederations Cup ដែលជា​ការប្រកួត​អន្តរជាតិ​មួយ ធ្វើឡើង​មុន​១​ឆ្នាំ​នៃ​ការប្រកួត World Cup ដោយ​តម្រូវ​ឲ្យ​ក្រុម​ម្ចាស់ផ្ទះ ត្រូវ​ប្រកួត​ជាមួយ​ម្ចាស់​ជើងឯក​ចុងក្រោយ​។ ឧទាហរណ៍​ដូចជា​ការប្រកួត​រវាង​អាល្លឺម៉ង់​ម្ចាស់​ពាន World Cup ឆ្នាំ​២០១៤ និង​ម្ចាស់ផ្ទះ​រុស្ស៊ី​កាលពី​ឆ្នាំ ២០១៧​។​

 

​បើតាម ZDF ដដែល លោក Infantino គ្រោង​ឲ្យ​ការប្រកួត Club World Cup ប្រព្រឹត្តទៅ​ចាប់ពី​ឆ្នាំ​២០២១​តែម្តង ពោលគឺ​១​ឆ្នាំមុន​កាតា​ដឹកនាំ​ធ្វើ​ម្ចាស់ផ្ទះ World Cup ឆ្នាំ ២០២២​។​

 

​គម្រោង​របស់​ប្រធាន FIFA ខាងលើនេះ លោក Fernando Sarney សមាជិក​ក្រុមប្រឹក្សា FIFA ប្រេ​ស៊ី​ល​បាន​ប្រាប់ ZDF ថា​លោក​ពេញ​ចិត្តនឹង​ការលុបចោល​កម្មវិធី​ប្រកួត​ពាន Confederations Cup នេះ​ខ្លាំងណាស់​។ 

 

​ចំណែក​ប្រធាន​សហព័ន្ធ​កីឡាបាល់ទាត់​ទ្វីបអឺរ៉ុប (UEFA) បាន​ជំទាស់​ទៅនឹង​ការដាក់​បង្ហាញ​គម្រោង​ថ្មី​នេះ​ដោយ​លើកឡើងថា​ការប្រកួត Club World Cup ពី​ឆ្នាំ​២០២១ មាន​ក្រុម​ច្រើនពេក​៕