អត្ថបទពាណិជ្ជកម្ម
រីករាយជាមួយនឹងតម្លៃសំបុត្រសូន្យដុល្លាររបស់ Vietjet និងការធ្វើដំណើរទៅហាណូយ និងកន្លែងផ្សេងទៀត
យានិករបស់ Vietjet កំពុងរង់ចាំផ្តល់ជូនបទពិសោធហោះហើរដ៏រីករាយ និងគួរឲ្យចងចាំដល់លោកអ្នក
×![]()
ដោយ: ថ្មីៗ
កក់សំបុត្រដែលមានតម្លៃចាប់ពី ០ដុល្លារអាមេរិកនៅពេលនេះ ដើម្បីធ្វើដំណើរពីទីក្រុងសៀមរាប ទៅកាន់ទីក្រុងហាណូយ ឬធ្វើដំណើរពីហាណូយ ទៅកាន់ប្រទេសកូរ៉េខាងត្បូង ឬជប៉ុន ជាមួយនឹងប្រូមូសិនថ្មីចុងក្រោយបំផុត របស់ក្រុមហ៊ុនអាកាសចរណ៍ Vietjet (វៀតជេត)។ ក្រុមហ៊ុនអាកាសចរណ៍មួយនេះ នឹងផ្តល់សំបុត្រធ្វើដំណើរចំនួន ៦៧ម៉ឺនសន្លឹក ដែលមានតម្លៃចាប់ពី០ដុល្លារអាមេរិក សម្រាប់ការផ្លូវហោះហើរអន្តរជាតិជាច្រើន តាមរយៈគេហទំព័រ www.vietjetair.com។
Vietjet ជាក្រុមហ៊ុនអាកាសចរណ៍ជំនាន់ថ្មី និងកំពុងពង្រីកខ្លួនឥតឈប់ឈររបស់វៀតណាមនោះ ទើបតែបានប្រកាស ពីផ្លូវហោះហើរថ្មីចំនួន២របស់ខ្លួន ពោលគឺពីទីក្រុងហូជីមិញ ទៅកាន់ទីក្រុងតូក្យូ ប្រទេសជប៉ុន និងទីក្រុងញ៉ាត្រាំង (Nha Trang) ទៅកាន់ទីក្រុងប៊ូសាន (Busan) ប្រទេសកូរ៉េខាងត្បូង។ បច្ចុប្បន្ន ក្រុមហ៊ុនដឹកអ្នកដំណើរមួយនេះ ប្រតិបត្តិការហោះហើរជាប្រចាំថ្ងៃ រវាងទីក្រុងសៀមរាប និងទីក្រុងហាណូយ ដែលជាខ្សែហោះហើរនៅតំបន់ខាងជើងរបស់ Vietjet។ ការហោះហើរផ្សេងៗ ចេញដំណើរពីទីក្រុងហាណូយ ទៅកាន់គោលដៅនានាទូទាំងប្រទេសវៀតណាម និងអន្តរជាតិ ហើយស្របពេលក្រុមហ៊ុន Vietjet បន្តផ្តល់ជើងហោះហើរថ្មីៗជាច្រើន ដោយមាន១០៧ជើងហោះហើរ និងកំពុងពង្រីកបន្ថែមទៀតតួនាទីនៃទីក្រុងហាណូយ និងទីក្រុងផ្សេងទៀតរបស់វៀតណាម ក្នុងនាមជាខ្សែហោះហើរក្នុងតំបន់ កំពុងមានការមមាញឹកខ្លាំង។
រាល់យន្តហោះរបស់ក្រុមហ៊ុនVietjet មានភាពទំនើប ផាសុកភាព និងសុវត្ថិភាព
រដ្ឋធានីហាណូយរបស់វៀតណាម គឺជាមជ្ឈមណ្ឌលនៃប្រវត្តិសាស្ត្រចម្រុះ ដ៏គួរឲ្យចាប់អារម្មណ៍ មានការតុបតែងបែបទំនើប និងមានលក្ខខណៈពិសេសជាច្រើនផ្សេងទៀត ក្នុងការទាក់ទាញ់ភ្ញៀវទេសចរនានា។ នេះគឺជាកន្លែងប្រជុំដោយសួនឧទ្យាននានា មានលក្ខខណៈពិសេសយ៉ាងពិតប្រាកដ បឹងដ៏ស្រស់ស្អាត និងដើមឈើ ដែលត្រូវបានដាំជាជួរដ៏គួរឲ្យទាក់ទាញ ខណៈវាក៏មានកន្លែងមានវាលស្មៅពណ៌បៃតង ប្រកបដោយភាពស្ងប់ស្ងាត់ ក្នុងទីក្រុងនេះផងដែរ។ កន្លែងពិសេសៗជាច្រើន រួមមាន បឹង Hoan Kiem (បឹងព្រះខ័ន “Sword Lake”) និងបឹងដ៏ធំល្វឹងល្វើយ West Lake ស្ថិតនៅភាគខាងជើងនៃទីក្រុងហាណូយ ដែលមានផ្លូវទឹកជារង្វង់ចម្ងាយ១៥គីឡូម៉ែត្រ ដើម្បីជួយឲ្យលោកអ្នករីករាយ ក្នុងការទស្សនាទេសភាពនៃធម្មជាតិដ៏ស្រស់ស្អាត។
ជាមួយនឹងភោជនីយដ្ឋាន សារៈមន្ទីរ ហាង ប្រាសាទ ផ្សារទំនើប និងតំបន់វប្បធម៌ដ៏គួរឲ្យទាក់ទាញជាច្រើនកន្លែង ដើម្បីធ្វើឲ្យគ្រប់គ្នាស្ថិតក្នុងភាពរំភើបរីករាយ ទីក្រុងហាណូយ គឺជាចំណុចចាប់ផ្តើម ដ៏អស្ចារ្យក្នុងការរុករកកន្លែងដ៏ទាក់ទាញជាច្រើនបន្ថែមទៀត ក្នុងប្រទេសវៀតណាម ឬនៅកន្លែងផ្សេងទៀត។
ឆកសមុទ្រហាឡុង (Ha Long) ដែលជាតំបន់បេតិកភណ្ឌពិភពលោក របស់អង្គការយូណេស្កូ ស្ថិតនៅភាគខាងត្បូង នៃទីក្រុងហាណូយ ដោយត្រូវធ្វើដំណើរប្រមាណជា៤ម៉ោង ពីទីក្រុងនេះ និងជាកន្លែងដ៏ល្បីល្បាញជាអន្តរជាតិ ទៅលើភាពស្រស់ស្អាតបែបធម្មជាតិ នៃសមុទ្រនេះ។ កោះច្រើនជាង៧០០ ដុះផុសឡើងនៅជុំវិញសមុទ្រនេះ ហើយការធ្វើដំណើរដោយទូក ទៅកាន់កន្លែងដ៏ស្រស់ស្អាតជាច្រើន គឺជាមធ្យោបាយដ៏អស្ចារ្យមួយ ក្នុងទស្សនាកន្លែងប្លែកភ្នែកមួយនៅប្រទេសវៀតណាម។
ផ្លូវហោះហើរថ្មីៗជាច្រើន ទៅកាន់កូរ៉េខាងត្បូង និងជប៉ុន បានចាប់ផ្តើមដំណើរការនៅសប្តាហ៍នេះ និងបង្ហាញពីការពង្រីកបន្ថែម ទៅលើបញ្ជីនៃជម្រើសជើងហោះហើរនៅអាស៊ី ពីអាកាសយានដ្ឋានរបស់វៀតណាម។ ផ្លូវហោះហើរថ្មី២ទាំងនេះ បានបន្ថែមទៅលើផ្លូវហោះហើរអន្តរជាតិ ដែលមានស្រាប់ជាច្រើនរួមមាន ជប៉ុន ហុងកុង សិង្ហបុរី កូរ៉េខាងត្បូង តៃវ៉ាន់ ចិន ថៃ មីយ៉ាន់ម៉ា ម៉ាឡេស៊ី និងប្រទេសកម្ពុជា។
យានិករបស់ Vietjet កំពុងរង់ចាំផ្តល់ជូនបទពិសោធហោះហើរដ៏រីករាយ និងគួរឲ្យចងចាំដល់លោកអ្នក
ជាមួយនឹងការមានអត្រាដ៏គួរឲ្យជឿជាក់ ផ្នែកបច្ចេកទេសដល់ទៅ ៩៩,៦៤ ភាគរយ Vietjet គឺជាក្រុមហ៊ុនអាកាសចរ ដ៏មានសុវត្ថិភាពបំផុត នៅតំបន់អាស៊ីប៉ាស៊ីហ្វិក ហើយការប្តេជ្ញាចិត្តក្នុងការផ្តល់សុវត្ថិភាព និងទំនុកចិត្ត ត្រូវបានទទួលស្គាល់ដោយសមាគមដឹកជញ្ជូនផ្លូវអាកាសអន្តរជាតិ (IATA) តាមរយៈការផ្តល់វិញ្ញាបនបត្រសវនកម្មសុវត្ថិភាពប្រតិបត្តិការ (IOSA) និងទទួលបានចំណាត់ថ្នាក់ផ្កាយ៧ ស្តីពីសុវត្ថិភាព (ចំណាត់ថ្នាក់ខ្ពស់ជាងគេបំផុត) ដោយអង្គភាពអង្កេតក្រុមហ៊ុនហោះហើរ AirlineRatings។
សម្រាប់ព័ត៌មានបន្ថែមអំពី VietJet សូមចូលទៅកាន់គេហទំព័រ www.vietjetair.com ។
(*) មិនរាប់បញ្ចូលពន្ធ និងតម្លៃផ្សេងៗ។ កក់សំបុត្រនៅចន្លោះម៉ោង១២ ទៅ២រសៀល នាថ្ងៃទី១៣ ដល់ទី១៥ ខែមីនា និងធ្វើដំណើរនៅចន្លោះថ្ងៃទី១៤ ខែឧសភា និងទី៣១ ខែធ្នូ ឆ្នាំ២០១៩៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
