ជាតិ
ស្ត្រីជាអ្នកលក់ត្រីម្នាក់លើកបង្ហាញ ត្រីឆ្ពិនប្រាក់ ដែលគេនេសាទបានពីអាងស្តុកទឹកវារីអគ្គិសនី សេសាន២ នៅខេត្តស្ទឹងត្រែង។ រូបភាព៖ ឈុត ឈាណា / អច្ឆរិយភាពនៃទន្លេមេគង្គ
×![]()
គម្រោងអច្ឆរិយភាពនៃទន្លេមេគង្គ (Wonders of the Mekong) សូមណែនាំត្រីមានស្រកាមួយប្រភេទ ជាប្រភេទត្រីទឹកសាប ដែលមានរស់នៅពីពាក់កណ្តាលជម្រៅទឹក រហូតដល់បាត ក្នុងទន្លេ ស្ទឹង វាលទំនាបលិចទឹក និងជួនកាលមានរស់នៅក្នុងអាងស្តុកទឹកផងដែរ។ 
ត្រីឆ្ពិនប្រាក់ មានឈ្មោះវិទ្យាសាស្ត្រ (Barbonymus gonionotus) និងឈ្មោះជាភាសាអង់គ្លេស Silver barb។ វាមានប្រវែងដងខ្លួនអតិបរមា ៤០.៥ ស.ម។ ត្រីប្រភេទនេះ ហាក់ដូចជាចូលចិត្តរស់នៅក្នុងទីជម្រកដែលមានទឹកនឹងមិនហូរ។ ត្រីឆ្ពិនប្រាក់ ជាប្រភេទត្រីធ្វើចរាចរផ្លាស់ទីផ្លូវឆ្ងាយ។ វាចេញពីទន្លេមេគង្គ ចូលទៅតាមដៃទន្លេតូចៗ ស្ទឹង អូរ ព្រមទាំងចូលក្នុងតំបន់ព្រៃលិចទឹក អំឡុងរដូវវស្សាផងដែរ។ វានឹងត្រឡប់ទៅកន្លែងដើមវិញ អំឡុងរដូវប្រាំងចូលមកដល់ ពោលគឺរដូវទឹកសម្រក។ វាពង-កូន ចាប់ពីខែតុលា ដល់ខែមករា ពោលគឺក្នុងពេលដែលវាមានអាយុ ៨ខែ ព្រមទាំងមានអត្រារស់ខ្ពស់ថែមទៀតផង។ ត្រីប្រភេទនេះ ស៊ីបំណែករុក្ខជាតិនៅក្នុងទឹក និងសត្វល្អិតៗផ្សេងៗ ជាអាហារ។
ត្រីត្រីឆ្ពិនប្រាក់ ត្រូវបានគេកត់ត្រាចូលក្នុងបញ្ជីរក្រហម IUCN Red List (Least Concern) ជាប្រភេទត្រី ដែលមានការព្រួយបារម្ភតិចតួច ថានឹងអាចឈានទៅផុតពូជ។ កត្តាគំរាមកំហែងនាពេលបច្ចុប្បន្នចំពោះត្រីប្រភេទនេះ មិនត្រូវបានគេដឹងឡើយ៕
© រក្សាសិទ្ធិដោយ thmeythmey.com
