ជាតិ
នយោបាយជាតិ
សម្ដេច ហ៊ុន សែន៖ អភិបាលខណ្ឌឈប់មកអង្គុយស្ដាប់ខ្ញុំទៅ ចុះមូលដ្ឋានវិញល្អជាង
× ភ្នំពេញ៖ ចាប់ពីពេលនេះទៅ អភិបាលខណ្ឌទាំងអស់ មិនចាំបាច់ទៅអង្គុយស្ដាប់ប្រសាសន៍នាយករដ្ឋមន្ត្រី ថ្លែងនៅក្នុងពិធីចែកសញ្ញាបត្រដល់និស្សិតទៀតឡើយ។ នេះជាការលើកឡើងរបស់សម្ដេច ហ៊ុន សែន។
ថ្លែងក្នុងពិធីប្រគល់វិញ្ញាបនបត្រ និងសញ្ញាបត្រដល់សិស្សនិស្សិតនៃវិទ្យាស្ថានខ្មែរជំនាន់ថ្មី នៅព្រឹកថ្ងៃទី១៨ មីនានេះ សម្ដេច ហ៊ុន សែន បានប្រាប់ឲ្យអភិបាលខណ្ឌ ដែលមានវត្តមាននៅក្នុងពិធីនោះ ត្រូវចំណាយពេលចុះដោះស្រាយបញ្ហាប្រជាពលរដ្ឋ ប្រសើរជាងមកអង្គុយស្ដាប់ប្រសាសន៍សម្ដេច។
សូមស្ដាប់ប្រសាសន៍សម្ដេច ហ៊ុន សែន៖
បើតាមសម្ដេច ហ៊ុន សែន អភិបាលខណ្ឌដែលអាចមានមុខអង្គុយស្ដាប់ប្រសាសន៍សម្ដេចបាន លុះត្រាតែកម្មវិធីនោះរៀបចំនៅតាមមូលដ្ឋានខណ្ឌ ស្រុករបស់ពួកគេ។ ដូច្នេះក្រៅពីមូលដ្ឋានខ្លួននោះ អភិបាលខណ្ឌទាំងអស់ មិនចាំបាច់ចូលរួមកម្មវិធីសម្ដេចឡើយ៕
Tag:
ហ៊ុន សែន
អភិបាលខណ្ឌ
© រក្សាសិទ្ធិដោយ thmeythmey.com