ជាតិ
លោក Benny Widyono អតីតមេដឹកនាំជាន់ខ្ពស់អ៊ុនតាក់ ទទួលមរណភាពក្នុងអាយុ៨៣ឆ្នាំ
×![]()
ដោយ: រួបរួម
លោក Benny Widyono អតីតមន្ត្រីជាន់ខ្ពស់នៃអាជ្ញាធរអន្តរកាលសហប្រជាជាតិនៅកម្ពុជា (អ៊ុនតាក់) និងជាអ្នកនិពន្ធ បានទទួលមរណភាពក្នុងអាយុ៨៣ឆ្នាំ កាលពីថ្ងៃទី១៦ ខែមីនា ឆ្នាំ២០១៩។ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានចែករំលែកពីដំណឹងមរណទុក្ខនេះនៅលើហ្វេសប៊ុករបស់ខ្លួន។
បណ្ឌិត Benny Widyono ជាអ្នកការទូតម្នាក់របស់អង្គការសហប្រជាជាតិដែលបំពេញបេសកកម្មនៅកម្ពុជា ថៃ ស៊ីលី និងញូវយ៉ក (សហរដ្ឋអាមេរិក)។ បុរសជនជាតិឥណ្ឌូណេស៊ីរូបនេះ ត្រូវបានចាត់ទុកជាមហាមិត្តម្នាក់របស់កម្ពុជា តាមរយៈតួនាទីដ៏ធំរបស់លោកក្នុងនាមជាមន្ត្រីជាន់ខ្ពស់អង្គការសហប្រជាជាតិនៅកម្ពុជាចន្លោះពីឆ្នាំ១៩៩២ ដល់ឆ្នាំ១៩៩៧។
ពីឆ្នាំ១៩៩១ ដល់ឆ្នាំ១៩៩៣ លោក Widyono ដែលទទួលបានសញ្ញាបត្របណ្ឌិតសេដ្ឋកិច្ចពីសាកលវិទ្យាល័យ Connecticut សហរដ្ឋអាមេរិក ដើរតួនាទីជាមេដឹកនាំរក្សាសន្តិភាពក្នុងជួរអ៊ុនតាក់នៅខេត្តសៀមរាប ហើយពីឆ្នាំ១៩៩៤ ដល់ឆ្នាំ១៩៩៧ លោកបានធ្វើជាតំណាងអគ្គលេខាធិការអង្គការសហប្រជាជាតិនៅកម្ពុជា។
ទោះបីជាបញ្ចប់បេសកកម្មការងារនៅកម្ពុជាក៏ដោយ ប៉ុន្តែលោក Widyono នៅតែភ្ជាប់ទំនាក់ទំនងផ្ទាល់ខ្លួនជាមួយកម្ពុជា តាមរយៈការងារជាគ្រូឧទ្ទេសនាម។ បន្ថែមពីលើនេះ លោកមានទំនាក់ទំនងយ៉ាងល្អជាមួយសម្តេចនាយករដ្ឋមន្ត្រី ហ៊ុន សែន មន្ត្រីរដ្ឋាភិបាលជាច្រើនទៀត ក្នុងមានរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ជាដើម។ លោកក៏មានទំនាក់ទំនងយ៉ាងល្អជាមួយសង្គមស៊ីវិលផងដែរ។
លោក Widyono ក៏ជាអ្នកនិពន្ធម្នាក់ដែលធ្វើឲ្យពិភពលោកស្គាល់ច្បាស់ពីកម្ពុជា។ ក្នុងចំណោមសៀវភៅល្បីៗរបស់លោក សៀវភៅ « Dancing in the shadows: Sihanouk, the Khmer Rouge, and the United Nations in Cambodia» (រេរាំក្នុងស្រមោល៖សម្តេចព្រះសីហនុ, ខ្មែរក្រហម និង អង្គការសហប្រជាជាតិក្រោយសម័យប្រល័យពូជសាសន៍ នៅកម្ពុជា) ផ្តល់ឯកសារដ៏ល្អក្នុងប្រវត្តិសាស្ត្រ។
លោក Widyono ជាមនុស្សម្នាក់ដែលតែងតែជ្រោមជ្រែងកម្ពុជា ជាពិសេសក្នុងសំណុំរឿងព្រះវិហារ ដោយលោកធ្លាប់បានអះអាងប្រាប់សម្តេចនាយករដ្ឋមន្ត្រី ហ៊ុន សែន ថា ថៃបានធ្វើការឈ្លានពានមកលើកម្ពុជា៕
បណ្ឌិត Benny Widyono ជាអ្នកការទូតម្នាក់របស់អង្គការសហប្រជាជាតិដែលបំពេញបេសកកម្មនៅកម្ពុជា ថៃ ស៊ីលី និងញូវយ៉ក (សហរដ្ឋអាមេរិក)។ បុរសជនជាតិឥណ្ឌូណេស៊ីរូបនេះ ត្រូវបានចាត់ទុកជាមហាមិត្តម្នាក់របស់កម្ពុជា តាមរយៈតួនាទីដ៏ធំរបស់លោកក្នុងនាមជាមន្ត្រីជាន់ខ្ពស់អង្គការសហប្រជាជាតិនៅកម្ពុជាចន្លោះពីឆ្នាំ១៩៩២ ដល់ឆ្នាំ១៩៩៧។
ពីឆ្នាំ១៩៩១ ដល់ឆ្នាំ១៩៩៣ លោក Widyono ដែលទទួលបានសញ្ញាបត្របណ្ឌិតសេដ្ឋកិច្ចពីសាកលវិទ្យាល័យ Connecticut សហរដ្ឋអាមេរិក ដើរតួនាទីជាមេដឹកនាំរក្សាសន្តិភាពក្នុងជួរអ៊ុនតាក់នៅខេត្តសៀមរាប ហើយពីឆ្នាំ១៩៩៤ ដល់ឆ្នាំ១៩៩៧ លោកបានធ្វើជាតំណាងអគ្គលេខាធិការអង្គការសហប្រជាជាតិនៅកម្ពុជា។
ទោះបីជាបញ្ចប់បេសកកម្មការងារនៅកម្ពុជាក៏ដោយ ប៉ុន្តែលោក Widyono នៅតែភ្ជាប់ទំនាក់ទំនងផ្ទាល់ខ្លួនជាមួយកម្ពុជា តាមរយៈការងារជាគ្រូឧទ្ទេសនាម។ បន្ថែមពីលើនេះ លោកមានទំនាក់ទំនងយ៉ាងល្អជាមួយសម្តេចនាយករដ្ឋមន្ត្រី ហ៊ុន សែន មន្ត្រីរដ្ឋាភិបាលជាច្រើនទៀត ក្នុងមានរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ជាដើម។ លោកក៏មានទំនាក់ទំនងយ៉ាងល្អជាមួយសង្គមស៊ីវិលផងដែរ។
លោក Widyono ក៏ជាអ្នកនិពន្ធម្នាក់ដែលធ្វើឲ្យពិភពលោកស្គាល់ច្បាស់ពីកម្ពុជា។ ក្នុងចំណោមសៀវភៅល្បីៗរបស់លោក សៀវភៅ « Dancing in the shadows: Sihanouk, the Khmer Rouge, and the United Nations in Cambodia» (រេរាំក្នុងស្រមោល៖សម្តេចព្រះសីហនុ, ខ្មែរក្រហម និង អង្គការសហប្រជាជាតិក្រោយសម័យប្រល័យពូជសាសន៍ នៅកម្ពុជា) ផ្តល់ឯកសារដ៏ល្អក្នុងប្រវត្តិសាស្ត្រ។
លោក Widyono ជាមនុស្សម្នាក់ដែលតែងតែជ្រោមជ្រែងកម្ពុជា ជាពិសេសក្នុងសំណុំរឿងព្រះវិហារ ដោយលោកធ្លាប់បានអះអាងប្រាប់សម្តេចនាយករដ្ឋមន្ត្រី ហ៊ុន សែន ថា ថៃបានធ្វើការឈ្លានពានមកលើកម្ពុជា៕
© រក្សាសិទ្ធិដោយ thmeythmey.com
