ជាតិ
សង្គមជាតិ
កម្ពុជាសហការជាមួយឥណ្ឌាលើការពង្រឹងវិស័យបច្ចេកវិទ្យាគមនាគមន៍ និងព័ត៌មានវិទ្យា
× ភ្នំពេញ៖ ក្រសួងប្រៃសណីយ៍ និងទូរគមនាគមន៍កម្ពុជា និងក្រសួងគមនាគមន៍ឥណ្ឌា កាលពីថ្ងៃទី១៨ ខែមីនា បានចុះអនុស្សារណៈយោគយល់គ្នា ស្តីពីកិច្ចសហប្រតិបត្តិការវិស័យគមនាគមន៍ដើម្បីអភិវឌ្ឍវិស័យបច្ចេកវិទ្យានៅកម្ពុជាឆ្ពោះទៅរកនិរន្តភាពជាយូរអង្វែង។
នៅក្នុងអនុស្សរណៈនៃការយោគយល់ដែលចុះហត្ថលេខាដោយ លោក សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ ជាមួយលោក V. Raghunandan អគ្គនាយកទទួលបន្ទុកទំនាក់ទំនងអន្តរជាតិនៃក្រសួងគមនាគមន៍ឥណ្ឌា ភាគីទាំងពីរ នឹងរួមគ្នាបង្កើតស្តង់ដារបច្ចេកទេស និងការទទួលស្គាល់បច្ចេកវិទ្យាទូរគមនាគមន៍ ការទំនាក់ទំនងប្រព័ន្ធឥតខ្សែ ទម្រង់បែបបទនៃទូរគមនាគមន៍ បច្ចេកវិទ្យាគមនាគមន៍ព័ត៌មានវិទ្យាសម្រាប់ការគ្រប់គ្រងគ្រោះមហន្តរាយ ទំនាក់ទំនងគ្រោះអាសន្ន សន្តិសុខ។
លើសពីនេះទៀត អ្នកជំនាញកម្ពុជា-ឥណ្ឌា នឹងពិភាក្សា ពីការកសាងសមត្ថភាពក្នុងវិស័យបច្ចេកវិទ្យាខ្ពស់ ដើម្បីជំរុញកិច្ចសហប្រតិបត្តិការក្នុងការផលិតឧបករណ៍បណ្តាញទំនាក់ទំនងឥតខ្សែទំនើបដូចជា 5G និង LoT /M2M។
ជាមួយគ្នានេះ មជ្ឈមណ្ឌលអភិវឌ្ឍបច្ចេកវិទ្យាទូរគមាគមន៍ឥណ្ឌា (C-DoT) និងក្រុមហ៊ុនទូរគមនាគមន៍កម្ពុជា (T.C) សន្យាបង្កើតសហប្រតិបត្តិការបច្ចេកវិទ្យាជាច្រើនសម្រាប់វិស័យដែលខ្សាត់ខ្សោយនៅតាមភូមិសាស្ត្រខុសៗគ្នា និងពង្រីកបណ្តាញខ្សែកាបអុបទិក និងប្រព័ន្ធ Wifi ដើម្បីដោះស្រាយតម្រូវការទូរគមនាគមន៍នៅតាមជនបទ។
ជាជំហានដំបូងភាគីទាំងពីរនឹងសាកល្បង «គម្រោងភូមិឌីជីថល» ដែលជាគំនិតរួមគ្នាផ្តល់ ការគ្របដណ្តប់ការតភ្ជាប់ និងកម្មវិធី សេវាកម្ម ការគ្រប់គ្រងអេឡិចត្រូនិច អប់រំអេឡិចត្រូវនិច និងថ្នាំពេទ្យអេឡិចត្រូនិចសម្រាប់តំបន់ដែលមិនទាន់តភ្ជាប់៕
Tag:
ប្រទេសឥណ្ឌា
កម្ពុជា
ព័ត៌មានវិទ្យា
បច្ចេកវិទ្យា
© រក្សាសិទ្ធិដោយ thmeythmey.com