ជាតិ
សង្គមជាតិ
សង្កាត់និរោធ សង្កាត់ផ្សារដើមថ្កូវ និងសង្កាត់កាកាប នឹងត្រូវផ្តាច់ភ្លើង១០ម៉ោង ពីថ្ងៃទី២៩-៣១មីនា រូបបានពីEDC
× ភ្នំពេញ៖ អគ្គិសនីកម្ពុជា(EDC) នឹងផ្តាច់ចរន្តអគ្គិសនីបណ្តោះអាសន្ននៅតំបន់ភ្លើងក្នុងសង្កាត់និរោធ សង្កាត់ផ្សាដើមថ្កូវ និងសង្កាត់កាកាបទី១ ក្នុងរយៈពេល៣ថ្ងៃ គឺចាប់ពីថ្ងៃទី២៩-៣១មីនា។ ការផ្តាច់ភ្លើងនេះ នឹងអនុវត្តន៍ឡើងចាប់ពីម៉ោង ៧ព្រឹកដល់ម៉ោង៦ល្ងាច ដើម្បីជួសជុល ផ្លាស់ប្តូរ និងដំឡើងបរិក្ខារអគ្គិសនីផ្សេងៗ។
យោងតាមសេចក្តីជូនដំណឹងរបស់EDC ការផ្តាច់ភ្លើងនៅក្នុងសង្កាត់ទាំង៣នេះ បានធ្វើឡើងទៅតាមថ្ងៃដែលបានកំណត់នីមួយៗ។ ថ្ងៃទី២៩មីនា EDC នឹងផ្តាច់ភ្លើងនៅក្នុងសង្កាត់និរោធ ក្នុងខណ្ឌច្បារអំពៅ។ ថ្ងៃ៣០មីនា នឹងផ្តាច់ភ្លើង ក្នុងសង្កាត់ផ្សារដើមថ្កូវ ក្នុងខណ្ឌចំការមន និងនៅថ្ងៃទី៣១ មីនា EDC នឹងផ្តាច់ភ្លើងក្នុងសង្កាត់កាកាបទី១ ក្នុងពោធិ៍សែនជ័យ រាជធានីភ្នំពេញ៕
© រក្សាសិទ្ធិដោយ thmeythmey.com