កម្ពុជា មានសាលារៀនថ្នាក់ទី៧ដល់១២ ជិត២ពាន់កន្លែង ក្នុងឆ្នាំសិក្សា២០១៨-២០១៩

ជាតិ

កម្ពុជា មានសាលារៀនថ្នាក់ទី៧ដល់១២ ជិត២ពាន់កន្លែង ក្នុងឆ្នាំសិក្សា២០១៨-២០១៩

30, Mar 2019 , 10:19 pm

រូបភាព

រូបបានពីហ្វេសប៊ុក

ដោយ: អ៊ូ សុខមាន (OU Sokmean)

ភ្នំពេញ៖ ក្នុងឆ្នាំសិក្សា២០១៨-២០១៩ កម្ពុជា មានគ្រឹះស្ថានអប់រំ ចាប់ពីថ្នាក់ទី៧ ដល់ថ្នាក់ទី១២ ចំនួនសរុប ១,៩៩៦កន្លែង។ ក្នុងនោះ សាលារៀនរដ្ឋមាន១,៧៧១កន្លែង និងសាលារៀនឯកជន ២២៥កន្លែង។

យោងតាមរបាយការណ៍បូកសរុបលទ្ធផលការងាររបស់ក្រសួងអបរំ យុវជន និងកីឡា ឆ្នាំសិក្សា២០១៧-២០១៨ និងលើកទិសដៅឆ្នាំសិក្សា២០១៨-២០១៩ សាលារៀនមធ្យមសិក្សារដ្ឋទាំង១,៧៧១កន្លែងនេះ មានអនុវិទ្យាល័យ១,២៤៦កន្លែង និងវិទ្យាល័យ៥២៥កន្លែង។ ដោយឡែក សាលារៀនឯកជនទាំង២២៥កន្លែងវិញ មាន អនុវិទ្យាល័យ៧៨កន្លែង និងវិទ្យាល័យមាន១៤៧កន្លែង។

ជាមួយគ្នានេះ ក៏មានឃុំ-ស្រុកក្នុងខេត្តមួយចំនួន មិនទាន់មានសាលារៀនថ្នាក់អនុវិទ្យាល័យ និងវិទ្យាល័យផងដែរ។ ក្នុងនោះ មានស្រុកតាវែង និងស្រុកអូរជុំ ខេត្តរតនគិរី, ស្រុកបុរីអូរស្វាយសែនជ័យ ខេត្តស្ទឹងត្រែង និងក្រុងកោះរ៉ុង ខេត្តព្រះសីហនុ។ ការមិនទាន់មានសាលារៀនទាំងនេះ គឺដោយសារស្ថានភាពភូមិសាស្ត្រ និងប្រជាសាស្ត្រ។ នេះបើតាមរបាយការណ៍ដដែល៕