អ្នកទោស៤៦០នាក់ ត្រូវស្នើឲ្យលើកលែងនិងបន្ថយទោស ក្នុងថ្ងៃចូលឆ្នាំ

ជាតិ

សង្គមជាតិ

អ្នកទោស៤៦០នាក់ ត្រូវស្នើឲ្យលើកលែងនិងបន្ថយទោស ក្នុងថ្ងៃចូលឆ្នាំ

04, Apr 2019 , 8:39 am

រូបភាព

រូបពីអគ្គនាយកដ្ឋានពន្ធនាគារនៃក្រសួងមហាផ្ទៃ

ដោយ:

ភ្នំពេញ៖ នៅរសៀលថ្ងៃទី៤ ខែមេសា ក្រសួងយុត្តិធម៌ នឹងបើកកិច្ចប្រជុំមួយ ដើម្បីពិភាក្សានិងពិនិត្យមើលបញ្ជីឈ្មោះទណ្ឌិត៤៦០នាក់ (ស្រី៤៩នាក់) ដែលត្រូវបានស្នើឲ្យលើកលែងនិងបន្ធូរបន្ថយទោស សម្រាប់ពិធីបុណ្យចូលឆ្នាំខ្មែរខាងមុខ។ នេះបើតាមលោក គឺម សន្តិភាព អ្នកនាំពាក្យក្រសួងយុតិ្តធម៌។

លោក គឹម សន្តិភាព សរសេរក្នុងបណ្តាញទំនាក់ទំនងតេឡេក្រាមថា កិច្ចប្រជុំនេះ នឹងប្រព្រឹត្តទៅក្រោមអធិបតីភាពរបស់លោក អង្គ វង្ស វឌ្ឍានា រដ្ឋមន្ត្រីក្រសួងយុត្តិធម៌។ បើតាមអ្នកនាំពាក្យ សំណើសុំអនុគ្រោះទោសនេះ គឺស្នើឡើងដោយគណៈកម្មការពន្ធនាគាររាជធានី-ខេត្តចំនួន១៨ និងមណ្ឌលអប់រំកែប្រែចំនួន៤។

សូមបញ្ជាក់ថា កម្ពុជា តែងលើកលែងនិងបន្ធូរបន្ថយទោសដល់អ្នកទោស ក្នុងពិធីបុណ្យចូលឆ្នាំខ្មែរ បុណ្យវិសាខបូជា និងពិធីបុណ្យអុំទូក៕

អត្ថបទទាក់ទង

មន្ត្រី៖ បណ្ណាល័យក្នុងពន្ធនាគារ ជួយឲ្យអ្នកទោសកែខ្លួនមកជាពលរដ្ឋល្អឡើងវិញ