​គួរ​កត់សម្គាល់ថា កម្មវិធី​បាន​ប្រព្រឹត្តិ​ទៅដោយ​មានការ​សម្តែងធម៌​ទេសនា ផ្ដល់​ឱវាទ​ពី ព្រះ​ភិក្ខុ សត្យ​មុនី​បុ​ត្តោ ជា សុ​មាលា ( មាលា​វិទ្យុ​អគ្គនាយក​ព្រះ​) ពិធី​ប្រគេន​ទេយ្យទាន និង​រាប់បាត្រ​ព្រះសង្ឃ​ចំនួន​៧០​អង្គ​ផងដែរ​។ អ្នកចូលរួម​ទាំងអស់ បានទទួល​ទាន​អាហារ​ថ្ងៃត្រង់ និង​ភ្លក់​រសជាតិ​ម្ហូបអាហារ​បែប​ខ្មែរ​(​នំ​បញ្ចុក​)​ដែលមាន​រសជាតិ​ឈ្ងុយឆ្ងាញ់​ជុំគ្នា    ទស្សនា​នូវ​ម៉ូត​សម្លៀកបំពាក់​របស់​ខ្មែរ ទៅតាម​សម័យកាល​នីមួយៗ (​ចាប់ពី​សម័យមុន​អង្គរ រហូតដល់​សម័យ​ឧត្ដុង្គ​) ទស្សនា​ឧបករណ៍​តន្ត្រីបុរាណ​ផងដែរ​។ 

 

​លើសពីនេះទៅទៀត អ្នកចូលរួម​ទទួលបាន​នូវ​អារម្មណ៍​រំភើប​រីករាយ ដោយមាន​ឱកាស​បាន​រាំលេង​កម្សាន្ត​ទៅតាម​ចង្វាក់​ប្រពៃណី លេងល្បែង​ប្រពៃណី​ជាច្រើន ហាត់​យូ​ហ្គា​ជាមួយ​គ្រូ​មាន​ជំនាញ និង​ទស្សនាការ​តាំងពិព័រណ៍​ស្តង់​ជាច្រើន រួមមាន​ស្តង់​មកពី​ស្ថាប័ន​ដែល​បាន​ឧបត្ថម្ភ​កម្មវិធី ស្តង់​លក់​ម្ហូបអាហារ​បែប​ខ្មែរ ភេសជ្ជៈ និង​វត្ថុ​អនុស្សា​រី​យ៍​ដើម្បី​ជួយ​គាំទ្រ​ដល់​សកម្មភាព​សប្បុរស​ធម៌​នេះ​ផងដែរ​។ 

 

 ការតាំង​បង្ហាញ​ឧបករណ៍​តន្ដ្រីបុរាណ​ខ្មែរ ក្នុង​កម្មវិធី​សប្បុរសធម៌​អបអរ​បុណ្យចូលឆ្នាំ​ខ្មែរ​នៅ​សាលា​អេ​ស៊ី​អ៊ី​

​ ​

​គួរបញ្ជាក់​ផងដែរ​ថា កាលពី​ថ្ងៃទី​៤ ខែមេសា កន្លងទៅ ស្ថាប័ន IDP /ACE បានឈ្នះ​ពានរង្វាន់​ចំនួន​២ នៅក្នុង​កិច្ចប្រជុំ​កំពូល CSR ប្រចាំឆ្នាំ​លើក​ទី​១១ និង​ពានរង្វាន់​ឆ្នាំ​២០១៩ ដែលជា​ពានរង្វាន់​មួយ ក្នុងចំណោម​ពានរង្វាន់ CSR ដ៏​មាន​កិត្យានុភាព​បំផុត​របស់​អាស៊ី ដែល​បាន​ធ្វើឡើង​នៅ​ទីក្រុង​គូ​ជី​ង ប្រទេស​ម៉ាឡេស៊ី​។​

 

 

​គួរ​រំលឹក​ផងដែរ​ថា រាល់​ថវិកា​ដែល​ប្រមូលបាន​ពី​កម្មវិធី​នេះ នឹង​យកទៅ​សង់​បង្គន់​អនាម័យ​និង​អណ្ដូងទឹក នៅ​សាលារៀន​នៅតាម​បណ្ដា​ខេត្ត​នានា​។ លោកស្រី ជា ចិន្តា​មុន្នី តំណាង​ឲ្យ​គណៈកម្មាការ​កិច្ចការ​សង្គម របស់ IDP និង ACE បាន​មានប្រសាសន៍ថា​៖«​យើង​មានការ​រីករាយ​ខ្លាំងណាស់ ក្នុងការ​ប្រារព្ធ​កម្មវិធី​សប្បុរសធម៌​អបអរ​បុណ្យចូលឆ្នាំ​ខ្មែរ​នេះ​ទ្បើង ដែល​មិន​ត្រឹមតែ​ជាការ​លើកស្ទួយ​វប្បធម៌​ខ្មែរ​ប៉ុណ្ណោះ​ទេ តែ​វា​ក៏​ជា​ព្រឹត្តិការណ៍​ប្រកបដោយ​ភាព​រីករាយ និង​អាចជួយ​ដល់​សហគមន៍ ដើម្បី​ពង្រឹងស្មារតី​ទទួលខុសត្រូវ​សង្គម​ឲ្យ​កាន់តែ​រឹងមាំ​ផងដែរ​»​។​
 

​អគ្គរាជទូត​សុ​ឆ្ទៈ​សិស្ស​របស់​សាលា​អេ​ស៊ី​អ៊ី​ម្នាក់ ក៏បាន​លើកទ្បើង​ដែរ​ថា​៖«​វា​ពិតជា​បទពិសោធន៍​មួយ​ដ៏​អស្ចារ្យ ដែល​បាន​ជួយ​រៃអង្គាស​ថវិកា​សម្រាប់​មូលនិធិ​សប្បុរសធម៌ និង​គាំទ្រ​ប្រជាជន​នៅ​តំបន់​ជនបទ នៃ​ប្រទេស​កម្ពុជា​»​។​

 

​យើង​ក៏​សូម​ថ្លែងអំណរគុណ​ផងដែរ ដល់​ក្រុមហ៊ុន សាកលវិទ្យាល័យ និង​ស្ថាន​ប័ន​មួយចំនួន​ដូចជា​៖ IDP Education (Cambodia), Monash University, Deakin College, United Knowledge, Seng Hok Heng, Baby Care, Family Printing, Kim Decoration, Kam House, Click Printing, Kundalini Yoga Cambodia, Pakka and Khmerload ដែល​បាន​ជួយ​គាំទ្រ​កម្មវិធី​សប្បុរសធម៌​នេះ​៕

 

 

​